السلام عليكم جميعا
ياليت الي ممكن يفيدني بطرق الحصول على فيزا صادرة من امريكا
لاني حابة اطلب بضاعة في امريكا .. بس هالمواقع ما يقبلون الدفع عن طريق اي فيزا او عن طريق اي شركة ثانية ……… الطريقة الوحيدة هي الفيزا بس بشرط تكون صادرة من امريكا
فياليت الي صادفه هالموضووع ويقدر يفيدني بكون شاكرة له
وربي يحفظ الجميع
اختي الكريمة
في حل أخر اللي هو Ship & Shop من أرامكس
هذي الشركة يعطونج عنوان في أمريكا أو بريطانيا (كأنج موجودة هناك) ويعطونج بطاقة تتسوقين بها ويوصلون لج البضاعة للبلاد . شوفي الرابط:
هلا اختي الغاليه دلوعة امها
انا استخدم بطاقة من فترة والحين وقفوها لاني لي فتره ما شحنتها
البطاقة امريكية صادرة من هالشركة
كلام الاخ صحيح بامكانج الذهاب الى بنك الامارات الاسلامى او ابوظبى الاسلامى عندهم هاذى البطاقات
تسلم اخوي على ردك الكريم
بس اخووي انا شريت من مواقع كثيرة ووادري عن هالمخااطر والحمدلله متحذرة دووم
بس معاي موقع ومعرووف بس هالموقع للاسف ما يتعاملوون الا مع الفيزا الي تصدرررررر من امريكا
وشوف هاي ردهم بعد ما راسلتهم بسؤالي عن قبولهم للدفع بطرق ثانية غير الفيزا الي يطلبوها
Thank you for your email.
At this time, the Store accepts only credit cards
issued by banks/institutions in the United States. Our shipments are
limited to the United State and its territories.
We apologize for any inconvenience
السلام عليكم ورحمة اللة وبركاته
اختي الكريمة . البطاقات العالمية الرئيسية هي فيزا وماستر كارد وهذيل مقبولين في معظم أنحاء العالم.
اتحذري من المواقع الغريبة والمشكوك فيها . واذا في خاطرج شي تبين تشترينه أنصحج انج تاخذين كروت فيزا خاصة بالأنترنت (متوفرة في بنك أبوظبي الوطني) او أي بنك أخر. الميزة في هذي الكروت انج تقدرين تحطين المبلغ اللي تبينه في البطاقة حسب المشتريات. يعني حتى لو تعرضتي لسرقة رقم البطاقة (لا سمح الله) تكون الخسائر محدودة.
الأهم من هذا كله انج تتعاملين مع مواقع عالمية محترمة(Yahoo Shopping, Amazon.com وابدأي بشراء شي رخيص للتجربة وبعدين خذي راحتج في المشتريات.
وأخيرا ربي يوفقج وحاضرين لأي استفسار.