فلان عنده واسطه..!!!! خلونا نفهمها..كيييف؟؟؟؟

29 thoughts on “فلان عنده واسطه..!!!! خلونا نفهمها..كيييف؟؟؟؟”

1. السلام عليكم و رحمة الله و بركاته ..

   الواسطة مطلوبة في بعض المواقف .. بس شرط انه ما يكون فيها جور و أخذ لحقوق ناس بغير وجه حق في هالحالة يسمى “ظلم” أعوذ بالله منه ..
   
   لكن اللي يقهرني الناس اللي يحصلون شي ما يستحقونه تحت مسمى الواسطة يغمضوني اللي تعبوا و سعوا و لا حصلوا و لكن في نفس الوقت ما أحقد لأني على قناعة إنه هذا رزق من موزع الأرزاق جل في علاه .. و الواحد اللي محصل شي بغير وجه حق ما بيدوم له و لو دام له ما وصل لغيره ..

   يزاج الله خير غناتي على الطرح الطيب .. و لا عدمناج ..

   تسلميين غناتي….
   أشكرج وأشكر ردج الرائع…..
   يعلني أفداج

2. قال تعالى: ( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا ) 0

3. ظبيانية وبس

   ما شاء الله .. كل مره موضوع أحلى عن الثاني .. وإن شاء الله المواضيع هذه نجني منها الثمار وبارك الله فيج الغالية ..

   (والله هذا مب مجرد كلام ولكن مبدأ تعلمته من الحياه ومن الوالد رحمة الله عليه…اذا لنا حق ناخذه من انفسنا ومب من خلال غيرنا)

   الدرمكي 77 .. كلام جميل سطرته وحركة حلوة .. والله يوفقك إن شاء الله ..

   وأنا تقريبا نفسك ..

   أنا كنت اشتغل بس لظروف قدمت استقالتي من اسبوعين تقريبا وقبل ما اقدم الاستقالة كنت ادور على وظيفة ثانية وتقريبا صارلي سنتين أدور مع أن عندي من الأهل والمعارف لهم مناصب ومعارف من المدراء .. بس قلت No للواسطة ..

   والحمد لله في النهاية بفضل ربي أولاً وجهودي في المحاولات اللي ما يأست من وراها حصلت الوظيفة واليوم اتصلو فيني وخبروني بالوظيفة اليديدة وجان استانس ..

4. الواسطه……

   هذا السلاح القاتل واللي دائما ماياخذ حق انسان ويعطيه لانسان اخر…فقط لان الانسان ذاك عنده فلان او فلنتان او حد من كبار الشخصيات اللي يقدر يخلصله اموره…

   باعتقادي اذا الواسطه كانت حرمان لانسان من حقه واعطاء هذا الحق لشخص اخر غير مستحق لهذا الشي فاعتبره حرام وغير شرعي…

   اما اذا الواسطه هي تخليص معامله وهذي الواسطه ماسوت الا انها كسرت الاجراءات الروتينيه وخلصت المعامله هذي باسرع وقت وبشرعيه ما اعتقد ان هذا الشي يعتبر حرام…

   اذكر قرأت كتاب لوزير سعودي سابق…في جمله بما معناها كانت موجوده بالكتاب….

   ببعض الاحيان حبة خشم تخلصلك معاملات كثيره وتكسر المركزيه والروتين القاتل..!!!!

   يعني يوم تعرف فلان وعلان وهذي المعامله فيها اجراءات روتينيه معقده ومالها داعي وانت تعرف السؤول بس ماعليك الا انك توايهه وتكلمه او حتى لو ماتعرفه بحكم العادات والتقاليد والحياه القبليه اللي نعيشها ممكن ان نخلص هذي المعامله باقصر الطرق عن طريق الكلام وطلبتك وماتردني…الخ من هذي الاساليب…!!!!!

   الاهم ان ما ناخذ حق حد ولا نضر حد…

   عن نفسي انا ضد الواسطه…لان بكل بساطه لو كل انسان اجتهد ودرس وثابر وبالاخير ما حصل التقدير والترقيه بحياته العمليه بيتولد حقد داخلي وحسد ليش فلان ترقى وهو عنده مؤهلات علميه اقل من موهلاتي وانا ثابرت واجتهدت وقدمت لعملي كل شي وهو خذاها جاهزه مجهزه فقط لانه عنده واسطه…!!!!!

   يجب علينا ان نضع الانسان المناسب في المكان المناسب بغض النظر عن اسمه او جنسه…

   حتى على مستوى توزيع المنح والاراضي والارزاق…الخ من هذي الامور كل واحد بصف بالدور والافضليه للاقدم ومن ثم الاجدد واللي يستحق…

   طبعا ممكن احط امثله لبعض الوزراء وومدراء دوائر وهيئات كثر عندنا…والله اعرفهم بشكل شخصي واقولكم كل واحد كيف وصل لمنصبه ويمكن تستغربون والله العظيم بس المشاركه راح تنحذف او تتعدل….

   تصدقون يا اخواني الكرام والله العظيم من كم يوم رايح بوظبي عشان اعبأ الاوراق الخاصه بالوظيفه وعطوني الاوراق الخاصه بالامن في فقره عن الاقارب واسماءهم اللي يعملون بدوائر ابوظبي الحكوميه فقلت للموظف ماعندي حد يشتغل بأي من دوائر ابوظبي ابدا…!!!!!

   قالي ابدا ابدا قلتله ابدا ماعرف حد ولا يشتغل حد عندنا بالحكومه وكلهم بالجيش او بالشرطه قالي نبغى دوائر رسميه اهلك درجه اولى ودرجه ثانيه ولازم تعبيهن كلهن لان الاوراق راح ترجع اذا في نقص…والله يلست وايد افكر منو احط منو احط وانا من اهلي عضو مجلس تنفيذي ومدير هيئه ووكيل دائره حيويه ببوظبي والثالث مدير ووكيل الديوان..الخ والله يا اخواني حتى بالؤسسه اللي كنت يالس اعبئ اوراقها وبتوظف فيها نسيبي وولد عمتي عضو مجلس ادارتها بالمقابله حتى سألوني اللجنه عندك حد بالمؤسسه قلتلهم لا واعتمدت ع نفسي…وما حطيت اي واحد فيهم عشان نظرتهم ماتتغير لي…

   بالاخير حطيت بالاستماره اسماء ناس صغار بالسن وماعندهم اي وظيفه او منصب…؟؟!!!!!

   (والله هذا مب مجرد كلام ولكن مبدأ تعلمته من الحياه ومن الوالد رحمة الله عليه…اذا لنا حق ناخذه من انفسنا ومب من خلال غيرنا)

   الله المستعان طبعا موضوع مشربك لابعد الحدود وصعب انه نتخلص منه ولكن مب مستحيل والبركه بالجيل اليديد والمثقف والمتعلم اللي يجب عليه انه يطور من الافكار الجحديمه ويغيره والبقاء لازم يكون للاحسن….

   والشكر موصول للاخت صاحبه الموضوع وكثري من هذي المواضيع….بارك الله فيج

5. السلام عليكم و رحمة الله و بركاته ..

   الواسطة مطلوبة في بعض المواقف .. بس شرط انه ما يكون فيها جور و أخذ لحقوق ناس بغير وجه حق في هالحالة يسمى “ظلم” أعوذ بالله منه ..

   لكن اللي يقهرني الناس اللي يحصلون شي ما يستحقونه تحت مسمى الواسطة يغمضوني اللي تعبوا و سعوا و لا حصلوا و لكن في نفس الوقت ما أحقد لأني على قناعة إنه هذا رزق من موزع الأرزاق جل في علاه .. و الواحد اللي محصل شي بغير وجه حق ما بيدوم له و لو دام له ما وصل لغيره ..

   يزاج الله خير غناتي على الطرح الطيب .. و لا عدمناج ..

Comments are closed.