البارحة ونحن سايرين بوظبي عند جسر المفرق مستوي حادث والسيارة محترقه نيسان موديل جديم .. المهم الدخنه واصله اخر الدنيا وسيارة الاسعاف و المطافي عدها ما وصلت بس سياير الشرطة موجودة ..
المهم طبعا استوت زحمة ووقفت السياير وما تحركت بسبب الحادث … شو القهر الشارع الضيق اللي ع اليمين وع اليسار شارع الطوارئ كان زحمة بالسيايير الفضولية واللي تبا تشوف شو مستوي جدام يعني بدل ما توقف حالها حال غيرها من السيايير ، لا يبون يتجدمون باي وسيله عشان يشوفون … وين القهر في الموضوع … وصلت سيارات الاسعاف وسيارات الاطفاء تحاول توصل للسيارة مب قادرة .. الشارع كله 3 سيدات يستوي ضيق عند الجسر وشارع الطواري منترس من الاشخاص الفضوليين او اللي يحاولون يوصلون المكان اللي سايرينه بسرعة .. والله ضربتني غصة وتميت اصيح اقول في خاطري الريال يحترق (مادري شو استوابه اللي عنده علم يخبرنا) المهم الريال يحترق داخل وبدل ما يفتحون الطريق عشان تطوف سيارات الاطفاء ، سادينه عشان يشوفون الحادث شو من المذهب عندهم هاذيلا … يعني ما يفكر الواحد غير في نفسه والله انه من وقفت لين وصلت سيارة المطافي لين مكان سيارة الريال خذله يمكن 30 دقيقة وهو يحاول يخطف يمين يسار ..
استغرب من هالنوع من الناس اللي يخاطرون ويضحون بحياة الغير عشان فضولهم او عشان اشغالهم الشخصية ….
والله المفروض يحطون مخالفة قدرها 20000 درهم حق اللي يمر من كتف الطريق او شارع الطوارئ عشان يتادبون .. حياة الناس مب لعبة…
اللي شاف الحادث او يعرف حد في شرطة المفرق يسير يسالنا عن حالة الريال ربه بخير … الله يعينهم ويصبر هلهم …
انا مع الاخوان .. نص اللي كانوا يتجاوزون مواطنين اذا ماكانوا كلهم … وهاللي قاهرني اكثر… عسا خير ان شاء الله وان شاء الله يكون بخير وعافيه
بصراحه انا ماسمعت عن الحادث مانقول غير الله يعين اهله وان كان بعده عايش الله يقومه بالسلامه
بس عندي تعليق بسيط للأخ صاحب الرد
ياخوي لا تحكم على الناس بهالطريقه وبعدين لولا الهنود اللي انت محتشر منهم ترى ماشفت بناين وعمارات ماشاء الله تبارك الله ونظافه الشوارع وغيره وغيره
الفضول مب مقتصر على فئة معينه مانقول بس الا الله يهدي الجميع ومفروض في هالمواقف يساعدون مب يسدون الطرق
الحين بسألك سؤال (شو خص الهندي في السالفه)؟؟
الفضـول ما يعتمد على هندي والا أمريكي ولا مواطن
اكثر اللي يسدون الشوارع ربعنا بتقولي لا؟
شرات ذاك اليوم طالع من بوظبي ساير صوب العين وعلى جسر المقطع مستوي حادث
الريال عنده استيشن متجلب فوق 1000 جلبه
وما يندرى عن حاله
والعرب هب مقصره سادين الشوارع ومسويين زحمه وابشرك بسبب بو عراب تصكر الجسر
تبا تعرف من يتجاوز من اقصى اليسار صوب الطواري
ربعنا المواطنين ..
وهذي ظنتي عليها مصادره للسياره وسجن والله أعلم
الفضول ياخويه ما يقتصر على فئه من الناس
وأتمنى الصراحه يكون في توعيه من هالناحيه
لانه كثير ماتو والسبه الفضـول!!
وعسى الريال ما ياه شي ان شااء الله
إن شاء الله حد من الاخوان يفيدنا
والسـّموحه
السبب الأول والأخير لأي مشكله في البلاد هم الهنود يعني اذا ما كان في هنود جان ما شفتي زحمه وفضول وجان هذا المسكين ما سوا حادث وجان الاسعاف وصلوا حق الريال وجان وجان وجان…
الله يعينه ويصبر اهله ان شاء الله
وفي النهاية اي مشكله تصير في هذا البلد سببها العماله الوافده كبيره كانت او صغيره لازم في هندي في السالفه
والسمووحه..