السلام عليكم ورحمة الله وبركاته
اشحالكم عساكم بخير
نزلت هالموضوع هني لانه اكثر قسم يقرا
ويمكن من المشرفين تحويله لقسم الوظائف لاحقا
عندي مقابله في هالشركه “توازن القابضه”
بشركه فرع لها وهي “أبوظبي للاستثمارات في الانظمه الذاتيه”
ADASI
Abu Dhabi Autonomous Systems Investments Co LLC
شو تنصحوني وحد عنه معلومات اكثر عن الراوتب وهالامور
وشو تنصحوني اسوي واقول بالمقابله
لانها اول مقابله لي للتوظيف ما عندي خلفيه كيف المقابلات تكون
وشو احسن شي اقول والاشياء اللي افضل ما اقولها
وهل اسال عن الامتيازات والراتب وهالامور الحين ولا بعد ما يتم الموافقه على توظيفي
باذن الله
فيدوني باي شي مفيد لي ولاي شخص ممكن يكون مكاني بالمستقبل
لتعم الفائده
ودعـــــــــــواتكم لي بالتوفيــــــــــــق
البـــــــــــوسعيــــــــــــدي
مرحبا اخي انا لي علاقة عمل معهم وبالاخص قسم الit والhr مدير الhr مصري اسمة احمد انسان ملتزم ومحترم اما الit هندي او باكستاني مو متاكدة بس عنده جنسية بريطانية او كندية اسمة tameezuldeen مديرهم العام السيد حميد الشمري
المهم الشركة موقعها الحالي في مصفح في مبنى المزيد مول نفس دخلة محاكم ابوظبي طابق الرابع شو بعد الموظفين هناك مدلعينهم والي اعرف وبالذات قسم العين دواماتهم بسيطة يعني ما شيء ضغط عليهم ورواتبهم اوكي والشركة مختصة بأجهزة التحكم الذاتي .. يعني شىء يخصه بـ it لو مب غلطانه والطيران و هي جزء من مجموعة ( توازن القابضة ) وتعتبر شركة شبه حكومية. ونصيحة هالشركات يبالها ترمس انجلش في المقابلة وخليك كووول معهم كانك تعرفهم ترى الي هناك كلهم اوكي واسال الي تبى تسال ترا من حقك ان تسال اي سؤال..
أتمنى أكون أفدتك و الاخوان ما بيقصرون والله يسهل عليك بوتوفيق
شكرا لنصائحكم وفي انتظار باقي الاعضاء الكرام
المسمى الوظيفي
فني لطياره بدون طيار
وانا كنت فني بالقوات الجوية
وتخصصوا
دبلوم عالي في هندسة الطائرات
بريطانيا
كم تتوقعوا يكون الراتب
وعلى اي درجه استاهل بشهادة دبلوم عالي؟؟
البـــــــــــــــوسعــــــــــــيدي
.
ممكن تحددلي المسمى الموظيفي او الوظيفه اللي راح تقابل عشانها؟؟
يمكن افيدك منو راح يقابلك وشو نوع المقابله راح تكون لان من فتره قابلة باحدى شركاتهم وتم قبولي بس ماتفقنا على العرض المقدم منهم؟
في مواضيع كثيرة في قسم الوظائف تختص بالمقابلات
ممكن تراجعها
وبخصوص توازن القابضة انا اعرف انها شركة كبيرة متخصصة في الاسلحة والادوات الدفاعية والتكنولوجيا كانت منزلة اول دبابة اماراتية بصنع اماراتي في معرض الدفاع الاخير
اسمها نمر على شكل سيارة الهمر
يعني توقع المقابلة تكون صعبة ومن متخصصين
الله وياك
سلام عليكم
هل تم تحديد المسمى الموظيفي لك ؟
هل تم تحديد المهام لك ؟
عموماً في مواقع عدده ممكن تفيدك مثل
How to Answer Job Interview Questions: How to Prepare for a Job Interview | eHow.com