السلام عليكم ورحمة الله وبركاته
انا عندي فتك 2008
المواصفات
فول اوبشن رقم واحد, سوبر سفاري ,قير تماتيك,ليتات زنون ,من الداخل الطبلون ليزر ,
الموتر مافيه حوادث واللون ابيض لؤلؤي ,
فتحه ,دف لوك, 6 سيديات ,
كراسي تماتيك
حبيت فقط من اصحاب الخبره فالسوق وفي الاسعار الرد
ويعطيكم العافيه
يعطيكم العافيه اخواني وماقصرتوا
ويعطيك العافيه اخوي ابو عيسى
خالد الحوسني مشكور وماقصرت ومبروك عالبيعه
بس صدق في بعض الاخوان اهنيه بصراحه عطوني اسعار خياليه
مثلا توه عالخاص واحد يقولي 75 الف كاش والثاني 83 الف كاش ويقولي صدقني محد بيعطيك شرات سعري بيعه دام يابلك 83 الف
والله ناس فاضيه
والسموحه منكم
الغالي انا قبل اسبوع بايع سيارتي
كان عندي فتك سوبر بس غيار عادي و فوق هذا كنت ملبس من الداخل كله احمر
و الموتر كان ماشي 85 الف و مشحوف بعد
و بعته ب 130 الف درهم
الغالي موترك سعره ايب 130
و صدقني الي يقولك ما ايب سعر ها يقص عليك
أخوي نصيحة لا تسير صوب المعارض لأنهم بيسمعونك أسعار تجيب الضغط يعني عادي يقولك 90 او 85 …..
الموتر سعره من 100 إلى 110 والله العليم, طبعاً انا ما عندي خلفية عن سعره بشكل دقيق و لكن كسعر تقريبي نظرا لعروض البيع المتنوعة في المنتدى فأعتقد ان سعره بيكون بين الرينج اللي ذكرته و ممكن يكون أكثر عن 115 إذا كان الموتر تشيكاته كلها وكالة و معتني فيه 100% و ما قد دخل رملة لأن المعروف ان الموتر غاوي و يشدك على دخلة الرملة ههههههه
بالتوفيق عزيزي و الله يرزقك في الحلال إن شاء الله
اخوي الموتر ماشي دون السبعين
وانا لين الحين ما لفيتبه في المعارض
والموتر الحمد لله وايد نظيف
ياطويل العمر على حسب ممشى الموتر واذا مافيه صبغ ةلا حوادث سعر من 105 الي 115 الي بيشتريه من عندك ريال يبا
يستخدم ولا راعي المعرض اكيد بينزل في سعره اكثر وانا اتمنالك اتوفيق في بيعته