مرحبا شباب انا عندي نيسان فتك موديل 2003 والسياره انا مطلعنها من الوكاله في شهر اربعه الفين وثلاثه وماحد استخدمها غيري وكل تشييكاتها من الوكاله حتى تبديل اي قطع غيار من الوكاله والسياره نظيفه وايد ماشاء الله المهم السياره دخلتها الوكاله وهي بعدها هناك وبدلتلها قطع غيار مع تشييك كامل تقريبا بتكلفه 23000 الف والفواتير بتكون مرفقه السياره انا افكر في بيعها بس ابا اعرف ممكن تنباع بكم والي عنده نيه يعطيني سعر جاد ويكون سعر مناسب للنظافه والاستعمال
مواصفات السياره
سوبر سفاري قير عادي بدون فتحه ولا دف لوك مكيفين ثلاجه ليتات زينون من الوكاله من داخل بيج مع ديكور خشب ومن برع اللون الكحلي الغااامج يعني قريب وايد ع الاسود وشاكر لكم
للرفع للرفع للرفع
للعلم السياره مازلت موجوده في الوكاله يعني بعدني ماطلعتها الي بتفق معاه بيشلها مناك انشاءالله
مرحبتين اخواني اول شي بالنسبه للون الكحلي فهو لون نادر جدا وفي سنة 2003 مانزلو منه الا خمس سيارات تقريبا على ماسمعته من الوكاله وبالنسبه للشباب الي حطو قيمتهم في السياره مشكورين وماقصرتو بس مش هذا هو سعر السياره السياره هذي لو اتروح الوكاله وتسأل عنها بتعرف انا كيف محافظ عليها وبعدين انا قلتلكم اني مكلف مايقارب 23 الف عليها وكلها قطع تسوا مثل اكزوز كامل مع الميني فول قطع في القير بوشات درامات ويل مع سفايف رودات عصا الرود كلج مع درام الكلج وقطع كثيره وللعلم كل هاي القطع ماكانت خربانه بس مستهلكه شوي يعني حتى لو كنت ببيعها بحالتها القديمه كات بتنباع بدون اي عيب يبين فيها واتريا من الربع القيمه الطيبه وببيع انشاءالله
بالتوفيق ان شاء الله
الصرااحة فتك لون كحلي نادر جدا
فالفريج عندنا واحد الصرااحة الون عجيب
الله يوفقك فالبيعه