اخواني حبيت اشتري لي اف جي
بس في شباب قالوا لي من عيوبها البترول و التانكي صغير و بسرعه يخلص
و حد قالي مش ثابت عالخط تتحرك السيارة مع ابسط هوا
و حد قالي من السيت الخلفي وايد وايد ظيق
اللي يعرف شي يديد يقولي او ينفى هاللي سمعته لو عنده خبره
و الفايده تعم الكل
مع انه الموضوع جديـم
اكيد انته من عشاق الفتك…
ما اعرف ليش اهل الفتكات من كثر الغيره صارو يكرهون الاف جيه وخاصة بعد ما اثبتت انها اقوى من الفتك فالشارع والرمل…
بس فالاخير هذا رايك ياخويه والكل يحترمه
رايي فالاف جيه سياره بسيطه وغير معقدة وسعرها مناسب ومطلوبه فالسوق وتنفع للاسر الصغيره تكيفها بارد وفي واحلى ميزه الجامه الاماميه ما ادخل حراره لان زاويتها حاده واستهلاك البترول حلو بس مثل ماقلت التانكي صغير اشوي….
اسميكم تمدحونها “راس البطة” هههههه
سياره ما عليها كلا م انا عندي وحده من 2008
جامبيناتها تعبانع بس من اتبدلها يعتدل و يصطلب
سياره مكده .
السلام عليكم ورحمة الله وبركاته
عن تجربة واحترامي لراي كل الشباب
انا عندي اف جي 2008 صارله عندي تقريبا من ثلاث شهور
وانا ريال عندي ثلاث عيال ومن وقت لوقت انسير دبي نتمشي مع العيال
بخصوص السيت الوراني احط فيه العيال الثلاث والخدامة ,, واخوي بعد عند اف جي وعنده عيال واسبوعيا ماسك خطوط
وبخصوص الثبات فالخط بصراحة ما انكرت عليه ,,
وعن البترول مره مشاني وكنت قابض فيه خط دبي 450 تقريبا وفي المدينة تقريبا يمشيك في حدود ال400
العيب الوحيد صوت الاكزوز وهذا مع الوقت بتتعود عليه وبتنساه
وبشكل عام الاف جي كحجم تعتبر وسط وانا صراحة مرتاح عليه
وصراحة فرملة وعليه تواير 900 ما فيه حليه.
شـكــ وبارك الله فيك ـــرا لك … لك مني أجمل تحية .