اخواني حبيت اشتري لي اف جي
بس في شباب قالوا لي من عيوبها البترول و التانكي صغير و بسرعه يخلص
و حد قالي مش ثابت عالخط تتحرك السيارة مع ابسط هوا
و حد قالي من السيت الخلفي وايد وايد ظيق
اللي يعرف شي يديد يقولي او ينفى هاللي سمعته لو عنده خبره
و الفايده تعم الكل
أخوي ال ف جي سيارة وحش للأوف روفدينغ والمهمات الصعبة
الاف جي سياره زينه يكفي انها تويوتا وبترولها ياحيه زين على كلام الاخوان بس تلعب على الخط على سرعه عاليه وحدد حاجتك من السياره تباها خطوط ولا في المدينه والسيارات كلهن زينات لو استعملتهن الاستعمال الصحيح بيكدن وياك
والله يوفق الجميع
اخوي انت حدد استعمالك في شو بيكون
يعني موتر مدينة ولا خطوط
لان الفورويل عامة للمدن افضل
والصالون للخطوط والمدن
من وجهة نظري و من استعمال استيشن و كابرس
اضرب خطوط للرويس وانا من العين والهوا يخلي الفورويل يلعب و السكان جنه من دون ميزانية وصرفية بترول اكثر
والصالون صراحه مريح في الخطوط و ما يلعب و صرفيته حلوة وعملي في المدينه
بس كل سياره لها مزتها الخاصه
شوف شو ميولك الشخصي و اختار الموتر اللي تباه
لانك لو سمعت كلام الناس ترى كلام الناس ما يخلص مثلي خخخ
وبالتوفيق مقدما
انا سمعت نفس الكلام …. سيارة مزعجة وغير مريحة ومافيها شخصية و ليست عائلية
وجهه نظري
اكره الاف جي شكله غلط في غلط ومع احترامي لك
والله يوفقك ان شا ء الله