السلام عليكم و رحمة الله و بركاته
جيف حالكم الغاليين
بغيت انشدكم
ما تعرفون عيادات ومراكز للانف ( الخشم ) في دبي وعيادات مضمونه
الله يسلمكم يوم كنت صغير دخلت في خشمي حبه من حبوب المسباح و من وقتها سوو لي عمليه بسيطه في خشمي علشان يطلعونها
وكان عمري 3 – 4 سنوات تقريبا
و ترتب على هاي العمليه انحراف فالخشم و لحميه ^^
يوم عمري 16 سويت عمليه في تايلاند علشان يشلون اللحميه و اتغير شوي من شكله
الدكتور قالي ارجع يوم عمرك بيستوي 20 علشان نسوي لك عمليه تجميله حق خشمك
بس انا ما اوثق وايد في علاجهم ،، في وايد علاجات فاشله عندهم وما ابا اذكرها
المهم يا جماعة الخير بغيت اعرف عياده ممتازه في دبي ممكن تجري جراحه للانف
همسه : لا تقولون لي حرام العمليات التجميله ( طبعا حرام في حالة تغيير الخلقه ،، الخ ) بس انا لازم اسويها علشان يتعدل عندي مجرى التنفس و بالمره يرجع على شكله الطبيعي ^^
فلا تبخلون علي ياللي تعرفون المعلومات
و شكرا مقدما
وصلت خير …اختك سهوووم سوت عملية لحمية وانحراف في مستشفى دبي عند دكاترة انف واذن وحنجرة وخربوا خشمي ربي ينتقم منهم ان شاء الله ,,,لاني كنت طالبة دكتور وطرشوا لي واحد ثاني اول مرة يسوي هالعملية ….
وما خليت مكان ما راجعته …وكل واحد يقول لي شيء …
والبارحه كنت عند دكتور عادل منصوري في عيادة دبليو ويسلون مجابل مركز التعاون في الشارجه
ربط خشمي وقال مخربينه و لاعبين في الغضاريف وقصتي قصة
شوف بعطيك كل ارقام الدكاترة اللي رحت لهم ولكن مب عارفة العملية اسويها عند منوه بالضبط ..
– عيادة دبليو ويسلون _ الشارقة_ عادل منصوري …رقمه 065771757 هو دكتور انف وحنجرة وتجميل
– مانشستر كلينك _ جميرا _ دكتور داني …رقمه 0505636222 دكتور تجميل لبناني
– في جميرا ..نسيت اسم العيادة دكتور محمود بهجت … رقمه 0506473366 _ 04349100 دكتور انف واذن
-كوززمسيرج _ جميرا _غابريل صعب _043445915 _ دكتور تجميل وهذا بين كمن شهر يكون في البلاد ويرجع لبنان
وهيه وبعد ذكرت في مستشفى زليخه _الشارقة _ الدكتور ارشاد _ انف وحنجرة _وضيعت رقمه
هاذيل اللي مدحوهم لي لين الحين … ومحتارة اسويها عند منوه وكلهم قالوا لازم عملية تجميل …
وانت اذا حصلت احد زين خبرني
وشكرا
وربي يعافيني ويعافيك
تحياتي
اختكم
سهمي عالي
السلام عليكم ورحمة الله وبركاته
شو لك مدخل حبة المسباح في خشمك يالس تتنشقها مثل العيايز اكيد خخخخخخ
انا مسوي عملية من 3 شهور تنظيف جيوب انفية و حاجز انفي و لحمية +شحمية خخخخخ
عند دكتور في مستشفى لايف لاين دكتور هندي اسمة بانتنامن طرشت لة 4 شباب والكل يمدحة
ماتشوف شر يابو خليل
دكتور معاذ الطرابيشي في المستشفى الامريكي في دبي…. انصحك فيه….
ربنا يكتبلك الشفاء باذن الله
اخوي ابراهيم الشامسي قبل لا تسوي عملية انصحك وبشدة اتسير عند دكتور ملهم ياسين بدبي
قبل عيادته في مستشفى ابو موسى لكن قبل فترة مغير مكانه
الدكتور هو مختص في الانف والحنجرة انا كنت اتعالج عنده والاهل كلهم والصراحة بدون مبالغة بالنسبة لي من احسن الدكاترة الي سرت لهم ويسوي عمليات بعد والصراحة وايييد زين
بشوف بسال الاهل شو اسم العيادة الحين وبعطيك اسمها والعيادة قبل في جميرا والحين بعد اعتقد بجميرا