السلام عليكم
صحيح انه الخطابة تغيرت عن قبل بس مازال الهدف نفسه. وهو مساعدة الرجل على إيجاد زوجة مناسبة ومساعدة البنت على إيجاد زوج مناسب أو مثل ما يقولون” توفيق راسين بالحلال”
سؤالي هو : منو الي يلجأ للخطابة ؟
هل البنت الي تأخر زواجها ؟
أو الشاب الذي لم يجد من تقبل به لضروف معينه ؟
أم هناك أسباب اخرى .
ابغي كل واحد يقرأ شاب أو شابة يشارك برأيه و يقولي شو الي يخليه يتجه “للخطابه” اذا قرر أن يتزوج ؟
او شو رايك في الخطابه هذي الايام ؟
اذا ما عندي حد يخطبلي >>>>لازم خطابه
اذا عيزت احصل البنت الي فبالي>>>>لازم خطابه
ولد خالتي عرس وعن طريق الخطابه ولله الحمد عايشين في سعاده وهناء
شووووكرن
انا معاكم في انه المفروض الكل يحاول يساعد الي يبغي يتزوج الاهل الاصدقاء المعارف . الي يعرف حد يرشحه وعلى الطرفين السؤال عن بعض بعدين.
بس بعض الناس يقولون نحنا ما نبغي ندخل من باب “اسعى في جنازه ولا تسعى في جوازه”مع انه بعض الشباب يلجؤون لهم. الواجب عليهم على الاقل الترشيح والتوفيق من رب العالمين.
واخوي سيف الدوله : الخطابه الي ترشح اجنبية اعتقد هذي مب بنت البلاد . حتى لو كانت ضروف الريال المادية ماتسمح في وايد بنات يدورون الريال مب الماده.
شكرا للي شاركوا في ابداء رايهم واتمنى نسمع رأي باقي الاعضاء .
ليش نسير بعيد … ليش ما نحاول فيما بينا نوفق رأسين بالحلال … قصدي الاهل و الربع و الجيران … نرشح فلان لفلانه … نوعا ما رجعني هذه العاده فيما بينا … ما أدري ليش في ناس يتخوفون من هالشئ خوفا من عدم نجاح الزواج
اختي ام الجوود هذا هو الصح الاهل والربع والجيران كافين…بس المشكله البعض يخاف ويستحي..
وبالفعل البعض متخوف من الزواج المفرووض الواحد ياخذ بالاسباب ولا يتسرع..ويتوكل ع الله
وبالنهايه الزواج قسمه ونصيب….
الخطابه دورها الترشيح … حسب المواصفات المطلوبه … و الباقي على الاهل في التحري و السؤال عن الريال أو البنت … في خطابات إماراتيات ما يأخذون فلوس
اخووي في البدايه والنهايه القرار النهائي يرجع لك …الخطابه هي الي تدلك وانت عاد روح اسأل وشووف..
ولا تعتمد ع كلامها لانها اكيد راح ترفع من مقام الطرفين ….