السلام عليكم ورحمه الله وبركاته
مرحبااااااااا
شخباركم شباب وبنااااااااااااااات
عندي موضوع وحاب أستشيركم فييييييييييييه
عندي سياره مأستخدمها موقفنها من زماااااااان في الكراج …. (( حق المغامرات والصناعياات والتكسير ))
المهم اليوووووم واحد من الربع طلبها مني يبغي يقضي شغله في الصناعية وخايف يدخل موتره يديد 
الهم يووووم يوم عطيته السويييييج رحنا بنحر السياره ………… تفجأناااااااااااااااااااااا بكارثة
بل بمصيبه
بل بشي مفجع
أول مافتحنا السياره أنبعثت لنا رائحة كريقة تشبه ريحة الجيفة أو ريحت شي ميت
أنا توهمت أني يمكن كنت شاري عشى ونسيته في السياره …. سبحان الله الأنسان ينسى
المهم بعد بحث وتحري حصلنا قطوه ميته تحيت السيت …… الله وعلم كييييف دخلت مع أنه الموتر مبند البيبان يعني مافي مكااااان تدخل منه ….. لو ناسي فتحت السياره مفتوحه بنقوووووووول يمكن دخلت من الفتحه ….. المهم مب هذا موضوعنا
هل .. أنا علي أثم في هذا الموضوع ….. للعلم أنا مب السبب في حبسها مأعرف شو دخلها السياره
لأنه أحيد إلي يدوس قطوه في الشارع يقولون لازم يفرش سجاااد في مسجد كفاره
يالييييت إلي يعرف يفيدني ….. ومحد يفتي بشي مايعرفه ^_^
الله ليرويكم الريحه …….. شكلي بحرق السياره خخخخخ
وسلامتكم …
اكيد بتلقى بلاغ في الشرطه عن اختفاء القطوه
لا زم تسلم نفسك للشرطه
يمكن انته قتلت القطوه وتحاول تخترع هذي القصه
من الافضل انك تعترف انته محاصر من جميع الجهات
اظن مطوع مسيدكم محتاي سجاد..و لقاها فرصه جوهنميه ..جان يخترع الفتوى
الله يعينا بس
سفاح القطاو
ليكون هذي القطوه فيها يني….
امي دير بالك لا تمشي فلليل بروحك..
عن تطلعلك القطوه وتحطك تحت سيت السياره وتربطك وتقفل عليك…
أأوووي مسكين جنيت عنفسك…
بتبع لي السياره 501
شوف ترى السعر زين واكثر عن إي تي أم 2000
انت الربحان….
عالعموم حاول تطلع كفاره… أو صدقه…
الله يرحمها القطوه…
الحين زين شي كنت سبب في خلل التركيبه السكانيه للقطاو
وشان عندها عيال … مساكين استوو يتامى..
احسلك قدم كل يوم كرتون قوطي تونه تبرعات لقطاوه الفريج
عن المرحومه قطوه
القطو من وين داش يا القناص لا يكون ناسي الدريشة مفتوحة الكبر شين عمي
ما شي طال عمرك لا عليك كفارة ولا شئ ما دمت بدون قصد ولا عندك خبرك إن شاء الله ما فيه شئ
القناص
بتبيع السيارة ب500 درهم 