شباب بغيت مساعده لو حد عنده خبره او مرت عليه السالفه
انا عندي استيشن 2009 يوم ازخ البريك وعقب اهد البريك عن الاشاره …. اسمع صوت من تحت بس ما عرفت هل هو الكرنك او الغير بغيت اعرف هل هيه عاديه ولا الموتر فيه عيب اذا حد يعرف او مرت عليه الحركه بليز يقولى شو سواء
من كل قلبي اشكركم طمنتوني والله كنت ناوي اسير اتهازب ويا الوكاله
انا عندي استيشن 2010 فل طلعلي نفس السالفة يوم كملت 6000 كم تقريبا سرت الوكالة قالولي بغيرولي الصليب الي في الشفت بواحد أقوى يوم شليت الموتر راح الطقة الي من تحت المهم بعد فترة ردت مرة ثانية و سرت الوكالة قالولي يباله قريز و راح و يرد قبل كل تجيك المهم عرفت السالفة كل ما تروح اتسويلة تجيك خلهم يسون قريس للشفت هاذي المشكلة في كل الاستيشنات تقريبا لأن أخوي من شهرين ماخذ استيشن يديد و الحين ظهرلة الطقة و سار الوكالة و سوله قريز وراح لا تحاتي شي عادي بس المهم كل ماتروح الوكالة اذكرلهم سالفة القريز ونت و الخير ارباعة
اتمنى اني فتك من هذي الناحية
معلومة لكل من عندهم استيشن 8 سلندر اذا تبون اتشيكون في الوكالة شيكو 10 ألاف كيلو احسن من 5 ألاف كيلو توفير في الفاتورة + الأيل غير نفس أيل اللكزس الوكالة ما بتقول عندنا ايل 10 الاف كيلو انت خبرهم لانهم ما يستفيدون قد مايستفيدونه في الايل بو 5 الاف كيلو
موفق بإذن الله … لك مني أجمل تحية .
هذا صوت الشفت
ودة الوكالة وسو لهم قرقعة بيقرزونة بس عقب فترة بيرد الصوت
سو لهم حشرة وقول القريز مايحل المشكلة بيبدلون لك الشفت
السلام عليكم
اذا كنت تقصد مثل صوت (صفارة خفيفة) فاطمان هذا صوت عادي، لأن نظام البريك اتغير بالكامل من موديل 2008 وفوق.
سر عند اي مغسله او بنشري خله يكرز الشفت بالكامل في فتحات خاصه للكريز خله يعبيه كريز بالكامل بعد ساعه وبيروح الصوت ان شاء الله وبتدعيلي