السلام عليكم
عندي استفسار بسيط وابغي اللي يجاوب عليه يكون على درايه كامله بالموضوع ..
واللي عنده اي تعليق يمكن يفدينا يليت يفتيلنا فيه بس بشرط يكون صحيح وليس عليه غبار
البضائع اللي تنباع في السوق الصيني يا اخواني …
انا اليوم اشتريت بضاعه من السوق الصيني بسعر خيالي وبعتها في المنتدى مثال ..
وجاني واحد من العاملين في الدوله سواء امن الدوله او التحريات او التفتيش او وين ما كان وقالي تعال هذي البضاعه ممنوع تبيعها ويوقفك 24 ساعه ويمنعك من استعمال الهاتف عشان تطمن اهلك
هل هذا صح ..
هل الدوله تكون صحيحه بفعلتها هذي ؟؟ ؟؟؟
اوكي وهل ممنوع اوكي ما هو موجود في السوق الصيني امام العلن ينباع ليش ينباع في السوق الصيني وينباع في محالات سوق نايف ومحلات تجاريه وعاديه ويوم نحنا نبيعه مثال يسولنا زوبعه وغيره
ولا هذيلا اسف على كلامي بس بعض الاعضاء او زوار الموقع من الحسودين يستغلون مناصبهم في مثل هذي الامور .. ياخي ممنوع نبيع اوكي مب مشكله روح دور على المصدر مب تي عند الفقير
ارجو توضيح هذا الامر
للعلم هذه الحادثه حصلت لشخص من المنتدى والسبب كان بضاعه تنباع في السوق الصيني وتنباع في سوق نايف وتنباع في محلات الاكترونيات ..
يعني فوق الارض مب تحت الطاوله …
انا ما ابا اسوي بلبله بس ابا تفسير للموضوع ..
عشان نعرف شو نبيع وما نبيع باجر يزخون راك اس ال ويقولوله تعال انت تبيع ثلاجات ولا تبيع تلفزيونات ممنوع تبيعهم
ارجو من الاداره عدم اغلاق الموضوع
عشان نعرف شو اللي النا واللي علينا …
اخوكم راك اس ال
يمكنك مراجعة الدوائر المختصة في لدولة والاستفسار عن ذلك.
أخوي Rak_sl اللي أتوقعه هذاك وقفك لانك تبيع أشياء من دون رخصه
والبيع من دون رخصه ممنوع في الدولة وهذا الشيء المعروف ، وإن عرفت الأمن بوجود البضاعه عندك من دون رخصه تصادرها فورا وبعد فتره تنعرض في المزاد العلني .
اما بنسبة لتلفزيونات أو الثلاجات أخي العزيز اللي اعرفه بعطيك مثال عسب يسهل عليك
شركة السيارات مرسيدس أو بنتلي
لو تروح وتبا تشتري من عند البنتلي Gt والحين سعرها وصل 1000.000 درهم يقولولك حياك أما لمن تروح وتشتري سياره وارد من برع بسعر 700.000 يقولولك نحن ما ندخلها الوكالة أو نشيك عليها وما نعترف فيها أنها بنتلي !!!!!!! ونفس الشيء في المرسيدس
الشاهد من المثال أخي العزيز الوكالات مثل سوني وبايسونك وما إلى ذلك أخذه وكالة على الإمارات إنها تبيع بهــسعر ، لمن تجي إنته وتجيب من برع تسبب للوكالة مشاكل وايد مع سوني في الدولة وسوني في بلد المصنع ، فترفع قضيه بموجبه إيقافك لإنتهاز وكالة شيء معين من غير الحصول عليها .
ولهشي أكثر هالأشياء ليس لها ضمان في الدولة
أتمنى أكون أفدت
والله أعلم
دمت بود
طرش ايميل للقياده العامه عشان الشكاوي وبيحلون لك المشكله
customerservice@adpolice.gov.ae
ترا يردون بسرعه =)