مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
للاسف هذا ما حدث
و ان شاء الله يلقون صاحب هالفكره الجهنميه او صاحبتها و يلقى عقابه
مشكوووووووووووووووووووور على التوقيع
قلة ادب وعدم مسؤوليه .. الصراحه المفروض يتعاقب اللي مسوي هالشي .. العلم رمز الدوله واللي ما يحس برمز الدوله وما يغار عليه وما يعرف اهميته ما يستاهل انه يعيش على ارضها وياكل من خيرها .. في ناس يسهرون الليالي ويفدون علم الدوله بأرواحهم وهالأشكال يستهزؤون به بهالطريقه المهينه !!
العقل زينه
ما قصرتي قوافي كفيتي ووفيتي