مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
ألاحظ في الفتره الاخيره صاير هجوم بطريقه غريبه على الامارات
انا ماوصلني المسج ولا شفته والمفروض الناس مايتداولونه لكن للاسف الكل ماصدق يشوف مثل هالصور ويطرش عميان بعلم ومن غير علم
فالقاصد يكون من فئة الحساد على الامارات
والغير قاصد ترا هذا من الاغبياء والجهله ,,
سبحان الله تذكرت صور القرآن والمساجد المشوهه
ترا نفس الاسلوب الهدف هو استفزاز مشاعرنا وهاذيل حساد متروسه قلوبهم حقد ..
….
أنا اميل للردود اللي تحيز الشخص بانه قليل ادب وابدا مايمس علم الامارات باي تصرف من هذيل واعتقد ابداء الاهميه لمثل هالبشر ترفع من شأنه
نرى مانرى في اوروبا لمثل هذه التصرفات فاعتبروه تنتمي الى هذه الفئه
يا جماعه انظروا الى علم الامارات الذي يرفرف عاليا مع صورة ابونا زايد رحمه الله في سماء اماراتنا الحبيبه
التصرف الصحيح مسح الصوره ولو مسحت من غيرك لما وصلت لك ومالك تقول غير حسبي الله ونعم الوكيل
تحياتي
حسبي الله ونعم الوكيل
وصلني المسج .. وبالفعل لا تعليق ..
قللللة أدب
الجزاء من جنس العمل,,, ومن اعمالكم سلط عليكم !!!شكلة الجنسية بتنسحب عقب خلها تدور علم تلبسة واللة حتى علم بنجلادش مابتحصلة
هةهةهةهةهةهةهة
السموحة شـــــبــــاب