السلام عليكم ورحمة الله وبركاته
اكيد كل حد في خاطره ايقول هذي شو سالفتها ليش متضايجة من هذا الشي
انا وحدة حبوبة وحلوة ما شاء الله علييي _ قولو ما شاء الله سبحان الله العين حق
انا من صغري كنت الدلوعه الي من اقول شي لباباتي ما يقصر علييي
انا من صغري كنت الدلوعه الي من اقول شي لباباتي ما يقصر علييي
من ابغي اشي ايييني لي مكاني
المهم من كنت اصغيرة امي اتوديني عرس او عزيمة لازم امرض او اتعب من العين لانه كل حد يسال امي بنتج حلوة وااااااااااااااااااااااااااااااايد ياليت عيالنا مثل بنتج
شوفو عيونهم كيف حارة
المهم
كبرنا وسرنا الكلية والعين بعدها علي الكل يقولي شو هذا الجمال ولا بياض بياض الثلج ولا العين عيون غزالة ووو خشمي كل حد يقولي عطينا خشمج يوم سلف اونه سيف
اتخيلو العين
المهم خلصت الكلية واشتغلت واهني صدق تعبت من خاطري
اتخيلوا من حد اييي الدوام عدنا ييشوفني يقول بخطبج اف تعبت
واااااايدين
شباب الدوام يمكن نصم ومراجعين بس طفرت
شباب الدوام يستهبلون علييييه وكل اشوي داقين علي وانا من النوع الي استحي واغلب الاوقات ما ارد عليهم اذا الموضوع كان سخيف ومالة اي معنى
ما شاء الله خطاطيب بالهبل ايوني يعني سرت عرس الحريم يرمسون امي يقولا نبغي بنتج ومن جذا ما قمت اسير الاعراس
وامي دوووووم تقنعني وانا لا لالا
بشكل عام انطويت ععمري وما قمت اطلع من البيت ما فيني احصل تعليقات
ما اقص عليكم انا ما اتمكيج في دوام والجحال مرة في سنة احطة
وتخيلو اذا احط شو بيسووون وقصة والحمدالله ما اطلع
بس ربكم هو الي يعطي الانسان
واكيد كل وحدة اتقول وين المشلكة ليش ما تتزوجين وليش زعلانه ومسويتنلنا زوبعة
انا حاليا ادرس وتامتلي سنة ونص
وما فيني اهمل دراستي
انا ابغي اتنقب بس مشلكتي اخاف اختنق تدرون النقاب يخنق
اتعرفون بنات الدواااام
محد يدانييني اتعرفون ليش يقولون ليش عاطينج كل هالاهمية
واخاف يرمسون في سمعتي
بصراحه تعبت ابغي الحل
وهي عندي مشكلة ثانية بليز ابغي جواب
اه
اه
اه
اه
اه
ليت كل الي قلته صح ههههههههه >>>
يغربل ابليسي >> عيشتكم جو صح ههههههههه 
هذا حلم وحدة خسفة ههههه تبى تسوي سوالف عشان ينعجبون فيها هههههههه
مب انا لا تخاافون لوووووول .. 
عاد ادعولي
بس حبيت اسوي سوالف
الله سلمج ولا كنت بطرش رساله خاصه اقردنج بس الحمد لله كملت موضوعج للآخر
شكرا على المشاركة الحلوة
ماشاء الله عليج اختنا الغر الحشيم تصلحين روائية او منتجة مسلسلات بدوية .
من اروع التعليقات اللي قريتها..
يبالج تشتركين في ” جمعية رفع معنويات الخسف”
ما عليه بقولج سوالف عن الحريـــم!!
إذا تزوجت الفتاة وهي ما زالت تدرس قالوا المفروض ما تتزوج الآن !! فالزواج مع الدراسة تعب جداً
وما راح تستطيع أن توفق بينهما ؟
يعني ما تتزوج وتكمل دراستها إلين تطلع عيونها وبعد التخرج تدور لها رجل يبحث
عن زوجة ثانية ……………….. مسكينة
و إذا تزوجت بعد الحصول على الشهادة الجامعية قالوا : ذهبت نضارة شبابها وهي تدرس و من ثم تزوجت
وهي كبيرة و من حسن حظها إنها لقيت من يتزوجها .
ما تخلص من كلام الناس لو شو تسوي ………. تستاهل من قالها تتأخر في الزواج!!
إذا سكنت مع أهل زوجها بعد الزواج قالوا مسكينة فيها ضغط جسمي و نفسي و ما تقدر تأخذ راحتها في حياتها؟
أكيد الكلام من حماتها وتسوي عمرها مسكينة لين تطلعها من البيت …
إذا سكنت في بيت لحالها قالوا مسؤولية كبيرة وراح تتعب و تشعر بالملل لوحدها .
شــو تسوي يعني تسكن مع الجيران ؟؟؟؟؟؟؟؟
إذا تروح لزيارة أهلها باستمرار قالوا هي المسيطرة على زوجها و مخليته مثل الخاتم بإصبعها .
راح تسمع كلام فاضي مثل “خاتم باصباعها” و” مسيطرة ع الوضع” وغيره . يعني تقطع رحمها علشان الناس…بنكمل..
إذا كانت ما تخرج من بيتها إلا قليل قالوا زوجها معقد و عيشتها صعبه الله يعينها .
الرجال لازم يجيه شي من الكلام بعد….. “خلو الناس بحالها”
إذا حملت بعد الزواج مباشرة قالوا : ما شعرت بالاستقرار في حياتها وحتى ثياب جهازها ما لبستها بسبب حملها ” (8____8)!!!
وشوفوا إذا ما حملت شو بيقولون…
و إذا ما حملت بعد زواجها مباشرة قالوا أكيد فيها مرض أو إنها ما هي سعيدة مع زوجها
أرنبة هيه صح لازم تحمل في اول ثلاث شهور!!
إذا وضعت بنت قالوا لازم تحمل مرة أخرى بسرعة علشان تجيب ولد
بعدنا في الجاهلية ….
إذا وضعت ولد قالوا لازم تحمل مرة أخرى بسرعة علشان تنجب آخر يؤنس وحدة أخيه
ماكينة بيض هيه ……..سوالف الحريم!!
إذا حملت مرة أخرى قالوا : ما عندها إلا الحمل كأنها قطة تنجب أطفال كثير حتى تربط زوجها و ما يخليه يفكر في الزوجة الثانية و دووووم بيكون مفلس!! عقليه غريبه و عجيبيه!
قل أعوذ برب الفلق ……و نعوذ بالله من الحسد
إذا ما حملت ثاني قالوا أكيد إنها مريضة ولا زوجها ما ينفق عليها .
طبعا لا تعليق …
إذا تزوجت الأرملة قالوا : كيف تتزوج وتنسى زوجها السابق ؟ و خانت ذكرياته
تعيش على الأطلال طول عمرها ” صح”؟
و إذا ما تزوجت قالوا : ليش ما تتزوج من يحميها ومن يصرف عليها وعلى عيالها و من يربيهم .
الله يعين الأرامل…
الغر في كل الحالات بينتقدونج!!
الحمد الله على نعمه العقل