مرحبا صبايا و شباب
مساكم الله بالخير
اليوم يايه ابا ارمس عن موضوع حساس شوي
و الموضوع هذا مب للتشهير و لا انه نسوي دعايه
و لكن انا استنكر
نعم يا جماعة الخير دبي بيبي تستنكر جدا جدا بعد
البارحه يالسه في عرس و اسمع الحريم يرمسن عن مسج ام ام اس مسوي ضجه في البلاد
اللي هو وحده مسويه شكل علم الامارات بالملابس الداخليه و مصورتنه << اسفه على الشرح !!!
انا بققت عيوني…دقيقه و الا وصلني المسج و شفته
شفت بعيني محدش قااالي
ادري ان بعض البنات الفارطات بيستانسون و بيتشجعون..و بعض الشباب الصيع بيعيبهم و يهللون لصاحبة الفكره
لكن يحز في نفسي اني امارتيه اشوف ناس هل البلاد ينحدرون لها المستوى القذر
هذا علم اماراتي و ما عاش اللي يهينه ..علم الامارات قدره عالي في قلوبنا و فوق روسنا
و اطالب هيئة الاتصالات ببذل اقى جهودها عشان يعرفون مصدر هالصوره و ما يتهاونون بعقاب هالشخص اللي نزل مستوى علم اماراتنا الى مستوى الملابس الداخليه !!
رجاء اتمنى اشوف تواقيعكم في هذا الموضوع للمطالبه بالبحث عن هذا الشخص و معاقبته
مسموح نقل الموضوع
ان شاء الله
نحن ما كبرنا الموضوع
نحن عطينا الموضوع حجمه اللي يستاهله
على عكس متداولي الصوره و معجبيها ..اللي ماخذين الموضوع بتساهل زايد
ما ظن ولد الامارات يرضى ان اخته تسوي هالشي
و اذا في رايك عادي..هنيه نوصل لكلام ثاني و ظاهره ثانيه..اللي هي الديوث و موت الغيره عند بعض الشباب
و عليكم السلام
و ان شاء الله يلقى يزاه
بالفعل هذه الاعمال التي قاعد نشوفها ونسمع عنها تحتاج لوقفة حازمة ولابد من وقوف هذه المهازل .. ودوم الامارات مرفوعة الراس وعلمها يرفرف الى الاعلى ..
قطرة من بحر
في اشياء وايد تحز في خاطرية بس شو اسوي ماباليد حيله غير الصبر
الله المستعان