السلام عليكم و الرحمه
شخباركم و جيف انتوو
تعالوو يطولي بعماركم حلولنا هذه المعضله
الحين انا اكل عدل << يعني الاخضر و اليابس لووول 
و ارقد عدل و من وقت يعني 11 اكون راقده << مقيمه الرقاد سلمكم الله حتى وصلت لين الوحش الاخير لووول
لكن خل يدق السنطور الصبح ..مااااااااااا اروووووووم افج عيوني …انش مشلقه و ادعم كل اليدران اللي في حجرتي من التسطيل لين ما ازهب …بس من اركب السياره خلاص تمام يطير الرقاد يوم اوصل نص الدرب
الحين بعد البحث و التقصي..اكتشفت ان شي نوعين من الناس
انسان صباحي : ينش الصبح نشاط و مشتط يبا يشتغل و يتم على هالحاله لين المغرب و عقب خلاص يهور
انسان ليلي: هذا الصبح ينش بالعافيه و يتم مسطل طول الصبح ..لين تستوي الساعه اربع العصر هنيه يرد النشاط و عادي يتم نشيط لين بعد منتصف الليل 
الحين شوفولنا حل لنشة الصبح …احيانا كنت عادي انش بدون عذاب
بس هالاسبوووووووووووع كل يوم اسحب عمري غصب من عالشبريه ..مع ان دوامي مب من وقت يعني انش من الرقاد 8 او سبع و نص اذا متحمسه وايد 
كوفي و جربنا
اعلي صوت الاذاعه لين ما اييني صمخ بعد جربت
قالو كلي تفاحه تيب النشاط ..كلت درزن تفاح ماشي فايده 
قلت خلنا نشوف الاخوان و الاخوات في المنتدى خصوصا اللي صار لهم سنين يداومون شقا ينشون الصبح..و هل في شي يسهل هالموضوع ؟ خصوصا نشة يوم الاحد من عقب الويكند
في انتظار ردووودكم
اهي الي تخلي الواحد نشيط طول اليوم ..
بالتوفيق …
تحياتي …
بارد و مكعبات ثلج
عز الله وقف عليه قلبي
بنجرب و بنشوووف
__________________
يا حيج
__________________
يزاك الله خير
و ان شاء الله اسوي تايم مانجمنت و نحل هالموضوع الصعب
__________________
حاولي لاترقدين عقب الدوام …
وحاولي تتعشين قبل الساعه 10 ونص …
وحاولي ترقدين الساعه 11 او 11 ونص ماكس …
وان شاء الله انتي والخير رباعه …
بالتوفيق …