عطوني حل

49 thoughts on “عطوني حل”

1. يزاك الله خير

   و ان شاء الله اسوي تايم مانجمنت و نحل هالموضوع الصعب

   اذا تحسين الخموول زاد فيج ورقادج ثقيل

   تبرعي بدم تراه زين

   والمكيف هو سبب من الاسباب

   يعني بدال ما تخلين المكيف شغال لين تنشين لا وقتيه يعني قبل ما تبين تنشين بساعتين ولا 3 يسكر وبتم الغرفه بارد

   بتوفيج ختيه

   حاولي بتلقين حل
   __________________

2. لا شغلي اوكي الحمدلله مستانسه عليه الحين لان غيرولي الدبارتمنت

   بس خبرني عن موضوع العمليه ..شقا سويتها و وين و منو و بكم و كل التفاصيل من فضلك

   سويتها في مستشفى دبي ببلاش عند دكتور حسين (ماذكر اسمه بالكامل…مواطن) هو نفسه رئيس قسم الانف والحنجرة..ويعتبر من احسن الدكاترة في الدولة في هالامور.

   تدخيلن المستشفى بالليل وما تاكلين شي على ما اذكر لين الصبح..وانتي راقده على السرير يعطونج بنج كامل..يدزون السرير على غرفة العمليات..فنص الطريج تكونين في سبات عميق تبطلين عينج تلقين عمرج في غرفتج في المستشفى ومخلصين العملية..خشمج يكون مسكر يوم كامل وتتنفسين من حلجج (متعب شوي لكن ليوم واحد) عقب يسحبون البلاوي اللي حاطينه في خشمج ويخلون البلاستيك المخيط في خشمج لمدة اسبوعين ما تحسين به بالمره..خلال هالفترة لازم كل شوي اتحطين مرهم…بالمختصر العملية تعتبر بسيطة..بس اعتقد في تقنيات يديدة نزلت حاليا..سمعت يقولون في ليزر..ناوي اسير اشوفهم هالفترة… لاني خشمي رد سكر ومن يومين وايد اعاني في التنفس..بداية تغيير الجو..

   __________________

3. لي عوووووووووده

   يالسه اكل كيك << بالعافيه

4. اي اكتشاف عظيم يطولي بعمرج لووول

   لا بس حبيت اسهل عليج وعلى الباقيين تحديد اساس المشكلة من وين اذا كان عامل نفسي او بيئي من خلال الاسئلة..انتي بنفسج بتعرفين المشكلة من وين اذا راجعتي الاسئلة

   العامل البيئي: السؤال الاول والثالث مرتبطين مع بعض والسؤال الثاني يضاعف من المشكلة واللي هي جيوب انفية

   العامل النفسي: اما بيئة العمل واللي تسبب احباط بالتالي عدم الرغبة بالنهوض او كسل من الشخص نفسه

   دام ان عندج جيوب انفية..خلي الخدامة تمسح غرفتج بكل تفاصيلها وما تخلي ذرة غبار في غرفتج بالذات الستاير لو تودينهم الدوبي احسن..وثاني شي واللي هو مهم جدا تنظيف فلتر المكيف كل اسبوعين.. بالكثير شهر اذا كان من النوع سبليت وتسوين سيرفيس للمكيف كل سنة واذا كل 6 اشهر احسن اذا كنتي تستخدمينه في فترة الشتاء..وتقدرين تشترين من الصيدليات الكبيرة جهاز لتنقية جو الغرفة من المايكروبات..جربي وعلى ضمانتي بتلاحظين بتردين تتنفسين بشكل طبيعي وبترقدين وانتي مرتاحة..لانه اذا خشمج مسكر تنقص عنج كمية الاوكسجين وبالتالي اييج خمول واحيانا صداع..

   طبعا انا مريت بكل هالاشياء..ما كنت اقدر انش الصبح..بس من سويت عملية جيوب انفية قبل 4 سنوات ارتحت الحمدلله..لكن ردت لي في الفترة الاخيرة بسبة الغبار والجو التعبان..

   

   لا شغلي اوكي الحمدلله مستانسه عليه الحين لان غيرولي الدبارتمنت

   بس خبرني عن موضوع العمليه ..شقا سويتها و وين و منو و بكم و كل التفاصيل من فضلك

   __________________

Comments are closed.