السلام عليكم ورحمة الله وبركاته ….
بعد خسارتي في الاسهم التي دامت ثلاث سنوات متتاليه بدون ربح ولا فلس واحد
قررت اني اطلع من عالم الاسهم ((عالم عوار الراس)) وريح نفسي منه
واني ابيع كل اسهمي لو بخساره
أعـــــــــمار خسران 60% من راس المال
أمـــــــــلاك خسران 80% من راس المال
أيــــــــــــاك خسران 30% من راس المال
الدانـــة غاز خسران 25% من راس المال
مع اني خسران نص راس المال عزمت اني ابيع بسعر السوق وارتاح
بس حبيت استشيركم قبل ما ابيع
هل اني ابيع خلال الاسبوع هذا …؟ او انتظر شوي
هل انتظر توزيع للارباح ….؟
و لأ أتوكل ع الله …..؟؟؟
والسموحه منكم
نصيحتي لك والله أخوي…اصبر اصبر اصبر..
وان شاءالله بتعوض خسارتك…..
وبعدين أخوي اذا مب محتاج البيزات في شي ضروري خلهم في السوق أو على قولتهم حطهم تحت الموسده وارقد عنهم !! خلهم كاستثمار لك أو لعيالك !!!!
مجرد نصيحه والقرار قرارك وراجعلك…..بس والله نزعل ونتضايق يوم نشوف حد من ربعنا ولا أخواننا خسران وأنتو هني كلكم انعدكم شرات الأخوان والله …..
ربي يوفقك أخوي….قلوووبنا معاك
بارك الله فيك ورحم الله والديك
اخى صبرت على الخساره ولاتريد ان تصبر على الربح , اخى نصيحه لله دع اسهمك كماهى وفقط بيع لشهر 7و8 وادخل اول 9 الى اخر السنه وانشالله ترجع راس مالك , خذ راى اكثر ناس خبره بالسوق سوف يقولون لك حرام ماسوف تقدم عليه والله يوفقك ويهديك الى الصواب.
اخوى شوق
صبرت 3 سنين واذا تقدر كمل على الاقل الى نهاية السنة
سهم واحد بيرجع لك كل خسايرك وفوقهم بهانس على صبرك هالسنين
راسلنى على الخاص والقرار بالاخير لك اخوى
ما نرضى الخسارة لاحد وفى المنتدى على اتصال باخوان توصياتهم متخرش المية على قولة المصريين
اخوي القرار قرارك وهذا سوق اسهم مرة حلو ومرة مر … ولوقلنا لاتبع ونزل السهم ممكن تلومنا ولوقلنا بيع وصار ارتفاع كبير بتكون حسافة ليش بعت !!!
الله يكون في العون …