السلام عليكم
شهر كريم على الجميع
قطه ولدت عندي 5 قطط صغييييره وكيوت في الحوش
اسبوعين و تركتهم واختفت ما اعرف وينها ومن يومها وانا متبهذل فيهم اشربهم حليب بالغصب اصلا ما يعرفون يشربوا
تقريبا عمرهم 3 اسابيع
زعلان عليهم والله على الاقل يصير شهر و اسبوع وبعدين تربيتهم بتصير وايد سهله
المشكله اللي اواجهها اني ما حصلت رضاعه حليب خاصه للقطط في العين
ماشي محل متخصص في مستلزمات الحيوانات مثل دبي و بوظبي
رحت الكارفور كله اكل ويسكاس ( وهم صغار ما ياكلونه ) لازم رضاعه من رضاعة حليب على الاقل ينامو وهم شبعانين 
رحت محل حيوانات في عودة التوبه قالي روح شويترام وطلع نفسه نفس كارفور ما حصلت رضاعه حليب
سالت بيطري عند اشاير عودة التوبه قالي ما نبيع
شو الحل حاس انهم بيموتون اذا ما لحقت عليهم
انتظر مساعدة فاعل خير
بارك الله فيكم اخواني
بالنسبه للمصاصه مالت اليهال ترى اصغر شي اكبر عن فم القط الصغير
المهم لقيت مكان بالعين شارع الصاروووج كللللله محلات اكثر عن 10 محلات متواجده هناك بس ولا واحد يبيع رضاعه خاصه للقطط مثل هذه إلا واحد قالي بوفراها لك باجر !! خوفي ما يوفرها
لاحظوا راسها بلاستيك طري و مدبب
المهم اشتريت مصاصة اطفال من كارفور اصغغغرررر شي متوفر وطلعت طبيره ما طاعوا يفتحوا فمهم اصلا خافوا منها و صبيت لهم في حوض صغير وغمسوا راسهم فييه و اللي لحس له لحسة حليب يا حليلهم والله
المهم شكلي بسير الشارجه اليوم بس ما اعرف وين السوق مال الحيوانات ممكن حد يدلني ؟؟ولو بخريطة جوجل
الشي اللي اعرفه هو شارع الوحده
السلام عليكم ورحمه الله وبركاته
اخويه لو رحت سوق الشارجه بيعطونك وايد اشياء
انا عندي قطاو شهر عمارهن وسرت سوق الشارجه عطوني وايد اشياء تساعدني في التربية
انصحك تروح وتوكل على الله
ويزاك الله خير على الرفق بالحيوان تراه فيه اجر وخاصه في هاي الايام الفضيله
الغالي الامور هذي متوفره في سوق الشارجه للطيور
جزاك الله خير على طيبة قلبك ورأفتك فيهم
أجرك عظيم عند الله ولا يُستهان به
اخوي خذ مرضعه عاديه مالت يهاال وتكوون صغييره يعني البلاااستيكه صغييره
وحط لهم حلييب عادي مايكون بااارد او حط لهم ابوقوس وشربهم
مرضعة الأطفال بس الراس بلاستيك يكون صغير عشان يقدرون يشربون منه أو عن طريق بيب صغير تحاول تشربهم منه