اليوم كنا سايرين صوب فلج المعلا (الفلي)

وصلنا الذيد في طريقنا الى الفلي

الشارع مزدحم والسيايير واقفه ما تمشي وكلها

عاطيه اربع إشارات

وكل السيايير من نوع اللاندكروزر ونياسين ودخان وغبره

وشباب متيمعين على الشارع الرئيسي ؟؟؟

قلنا الله يستر اكيد حادث كبير ؟؟؟

واللي نزل من سيارته يتفرج وناس تصعد على الرصيف وتلف عكس السير

اتخيلووووووووووووووا هذا كان استعراض من شباب طايشين الله يهديهم على الشوارع الرئيسيه للفلي والذيد

لدرجة انه واحد منهم انجلب كان في اللاندكروزر وسيارته تحطمت

ما ادري كيف عدل سيارته وشرد بين المزارع اتوقع ما عنده ليسن(مثلي) ليسني محجوز ؟؟

وطبعا الدوريه نايمه في العسل نومممم ( الله يهنيهم )

الله سلمه وحفظه والباقين كملوا استعراضاتهم

ما ادري شو اسمي هذا هل هو غرور ولا طيش ولا بطره

ليش وصل إستهتار الشباب للدرجه هذي ؟؟؟؟؟

الله يحفظهم ويهديهم

9 thoughts on “طيش وبطره ؟؟؟”

  2. ما عندهم سااالفة .. وعلى فكرة شوارع الفلي والذيد جان عندها لسان بتسير تشتكي من الحوادث ومن هالسوالف ..

    استعراض عضلات للاسف ..

    وشباب بعضهم همه الوحيد يبرز عضلاته ويطلع نبر 1 ..

    شو نسوي غياب الرقابة الامنية شوي + ما فيهم عقل حبتين ..

    والا العاقل مستحيل يسوي هالامور خيبة فعز هالحر هههه متفيجين صرااحة ..

    بس لو دقيتي 999 ما بيقصروون .. =)

Comments are closed.