مرحبا شباااب ..
انا ابغي اسوي ميلس خارجي في البيت بس ما بيه اسمنت وطابوق ومن هالكلام عشان تكلفتها عالية .. ابغي شي يكون (ضد الماء والمطر) وفي نفس الوقت رخيص ..
القياسات:
6 × 4 (الملحق بدون الحمام)
المواصفات:
صبية تحت (15 سم او 20 سم) .. والملحق يكون بابه المنيوم “سلايد” مع نافذتين المنيوم + حمام ومغسله الله يعزكم
الاستخدام:
يلسات شبابيه .. شوفة مباريات .. لعب ورقة وبلي ستيشن … يعني باختصار ميلس شبابي
فاللي عنده افكار او اسم محل هو مجربه يخبرني الله لا هانه.. واهم الشي السعر يكون مناااااسب
في انتظار ردودكم
السلام عليكم ورحمة الله وبركاته
اذا تباها شبابية عادية عندك مال الذيد لبسها من الداخل ودلعها شوية
واذا تبا شي حشيم سير الرياض وفصل لك خيمة تركيب كامل 5 طبقات مع الكهربا والموكيت والفرش مابتكلفك كثر من 30 الف
هنية عدنا حرامية
خيمة بو مية الف تسويها في الرياض ب40 الف
سير الغرابي كل شي عندهم
انت تبغي نفس ها االاشكال
سو خيمة شعر أنا مسوي خيمة شعر 13 ف 8 وخل جوانب لي مجابل الشارع زجاج عليها ضمان خمس سنوات ظد الماء
التكلفه حول 90 الف درهم
بارك الله فيك اخوي رحال على سرعة الرد لآخونا الرحبه
وبيني وبينك كلنا نبغي نفس الطلب “
ولاهنت يالغالي ممكن تعطينا الأسعار ؟
وتحيتي لك ..
في الذيد عندهم صنادق علي شكل الخيم واشكال كثيره وعلي حسب الموصافات الي تباها