السلام عليكم ورحمة الله ..
طلبتكم للمره الثانيه أخوان شما أتقيمولي هالجيب لأني عارضه للبيع خاصه أنه هذا وقته وموسمه بس مب عارف كم أحط جيمه له وقلت بشاوركم بسعره وياليت الكل يشارك .. ومواصفاته :
جيب C J موديل 83 غيار اوتوماتيك وارد أمريكا وأوراق الجمرك عندي وعليه مكينة V8 350 هيفي ديوتي كاربيتر مع ملاحظة أنه الموتر سنقل مبطل عنه الشفت ونا ماعندي وقت ايبله ولا أفصله واحد ثاني ويباله شغلة تنجيد وفرش مع ملاحظة أني ركبتله بيبان .. يعني باختصار الموتر يباله خفايف عشان يطلع جامد وتحط عليه قالوصه وتقلص فيه اللي تباه والصور عندكم

9 thoughts on “طلب تقيم جيب كلاسيكي V8”

  1. تسلم ياأشرف على ردك وتقيمك … وربك عيل جلامك مايطيح الأرض .. وبعرضه بالسعر اللي حطيته .. يعني من 15000 لين 10000 درهم .. ويالله اللي بخاطره الموتر تراه جاهز ..

  2. شوف يا اخوي يعتمد سعره الحين عقب تاجيل قرار الكنسله للسياراتن الجديمه اعتقد سعره طلع بس انا اشوف سعره ما بين ال 10 و ال 15 الف للمستخدم لنه يباله رغيب يعدل عليه

    بس لو انه فل معدل ييب ما بين ال 20 و ال 25 الف و قد يوصل اكثر حسب التعديلات الي عليه

    و الله يوفقك

Comments are closed.