السلام عليكم ورحمة الله وبركاته,
يا جماعة مادري اذا انا الوحيد الي امر في هذه المواقف او انتو بعد !!!
بصراحة حزين واليوم قررت اني اكره سيارتي 
ادفع 335 الف درهم على سيارة (دم قلبي و كاش)
في الدوام عندي باركنج (ظله)
في البيت عندي كراج داخلي (ظله)
ما اطلع من البيت وايد
و اخر شي ايحصل خدش طويل على الباب !!
سرت الوكالة و قالوا لي 4000 لصبغ الباب (مصرف بوظبي الاسلامي مال ابوي مثلا !!)
توكلنا على الله وصبغنا (وايد كنت احب سيارتي)
عقب فترة حد فاتح باب سيارة (شكلة بكل قوة ومال عمك ما يهمك) وضارب الباب الخلفي للسيارة !!
يعني الموضوع 4000 درهم مرة ثانية !!
واليوم عقب الصلاة رحت اشيل غرض من السيارة و حصلت في خدش يديد فالمقدمة!!
بصراحة عفت السيارة و عفت نفسي و باذن الله المرة الثانية ما بشتري سيارة أحلامي بشتري كورلا ولا سويفت وهذه السياير ونار تاكلهم.
بن يوسف
السلام عليكم ورحمة الله وبركاته
يارفيق الخير
كل ترى ابتلاء من رب العالمين
واشكر الله على النعمه
والحمدالله على كل حال
انا ظهرت موتر يديد من الوكاله 2009 جيمته 350 الف
في اول اسبوع انطر عندي التاير الي ورى وعقب شهر نفس السالفه بس التاير الثاني
وبعد سبوعين دعمني واحد وطير البونيت والمدقر الامامي والشبك والليت الامامي والمدعميه وكلفني 28 الف وكله على
ظهر اتأمين وعقب شهر دعمتني حرمه من الخلف وطيرت الدبه الخلفيه والمدعميه وكلفني 22 الف بعد على ظهر اتأمين
وشو بقول وشو بخلي بس الحمدالله على كل حال وبعدني متخبل على الموتر.
معنى رمستي يا رفيق الخير
كلها نصيب من عند رب العالمين
نصيحه اخويه خلك على تواصل مع ادعيت الصباح والمساء وربك بيحفظك من كل شهر
بتكون في حفظ الله
والله يعينك ويعين الجميع على هاي الحاله .
الحمدلله انا كنت بكتب تعليق بهذا الخصوص
ما اعرف ليش دائما بعض الناس في المنتدى يحاولوا يحولوا الأمور شو ما كانت للجنسيات وحقدها
وهذا يدل على شي بنفس الشخص نفسه
الفكرة مش فكرة جنسية ممكن اولاد صغار او مراهقين امارتيين او خليجيين او عرب او هنود
شو دخل الجنسيات الله يخليكم بالعقل !!!!
على فكرة..نسيت اخبرك..بعد ما تدفع 4000 صبغ…سولها ورقة ضد المجهول من المرور..وصلحها عالتأمين لو كان تأمينك شامل طبعاً..
موضووووووووووووووووووووووووووووووع طر
الحمد الله مامر على ولا موقف والله يفكم
ربيعي عنده بورش كاين أسود
بتحديد واقف في بركنات العين مووووووووووووووووووول
مرت وحده للاسف مواطنه وشمخت السياره بسويج وهو يشوفها بعينه وهو منصدم ماعرف شو يقول
وعقب رد ذهنه ساير يدور البنت وما لقاها ز
والشمخ لي اليوم هذا
بصراحه شي يعور القلب بس فيه شي من الضحك على هناس المعاقين