السلام عليكم ورحمة الله وبركاته
كيف الحال ياشباب وشابات المنتدى
بغينا من اصحاب الخبره في ها المجال يخبرونا شو الطريقه الصحيحه والامنه للحصول على بطاقة ائتمان من امريكا
لانه مثل ماتعرفون شي من المواقع ما تقبل الا هاي البطاقات مثل شركة ابل وغيرها
الصراحه المواقع اللي في النت تخوف وشكلها عمليات نصب
فالي حصل مثل هاي البطاقات ياليت يقولنا كيف ويفيدنا كلنا
اخوكم بوسلطان
حاول تشوف هالموقع Payoneer – Global payments made easy
صح كلامك انا ما اعرف عن موقع الابل لكن عن موضوع ان بعض المواقع تتعامل فقط على بطاقات امريكية المصدر شخصيا تصادفني مواقف مشابهة في الEbay بس قليله
افضل وآمن طريقه هي الحصول على بطاقة عن طريق شخص ثقه “قريب او صديق” يدرس في امريكا
انا شخصيا كنت ادرس هناك وممكن اما انك تفتح حساب في امريكا منه تطلع بطاقه او ان الشخص اللي هناك يطلع بطاقه يخليك تستخدمها اذا كان اخوك او شخص ثقه.
تقريبا هذا اللي اعرفه بخصوص بطاقه ائتمانيه امريكية المصدر واذا في طريقه ثانيه ممكن حد يضيفها تفيدك.
تقدر اطلع من اي بنك في الدولة بس بعض المواقع تشترط ان الحساب مال الكردت كارد من امريكا
يعني على سبيل المثال شركة ابل اذا بغيت تشترك في الاي تونز اذا حطيت الكردت مال الامارات بيعطيك صفحة الامارات اللى مافيها شي من افلام ولا مسلسلات وكلها قديمه بس اذا كان عندك كردت وحساب في امريكا تقدر تنزل وتشوف وتشتري كل شي يديد والصفحه تكون غير وفيها اشياء اكثر بمليون مره وتقدر تنزل افلام لايف على الابل تي في
اخوي بوسلطان
تقدر اتظهر بطاقه فيزا او ماستر كارد من كل البنوك الي في الدوله ليش من امريكا
وتستخدماها في اي موقع تبغيه
راجع البنك الي فيه حسابك
هم بيفيدونك
اخوك بوخليفه