السلام عليكم… الظاهر بتقولون هذي ما تكتب إلا إذا بغت شي.. مع إني اتابع المنتدى.. و لكن بصمت مثل ما يقولون…
بغيت أستفسر عن المطابع اللي تطبع رسالة الماجستير… إن شاء الله راح أتخرج الأسبوع الياي و مطلوب إني أطبع رسالة الماجستير (أقل شي 8 نسخ) و عجزت و أنا أدرو عن مطابع.. ربيعتي توهقت في رسالتها.. طبعتها في أروظبي ب5000… و ربيعتي الثانيه قالوا لها النسخه ب 950.. ما شاء الله الأسعار وايد مرتفعه… حد عنده فكره عن مطابع في الشارقه او عجمان أو دبي… بروح أسأله… ما فيني أدفع 5 و آلاف على رساله بتركنها الجامعه في مكتب الإداره.. احس وايد بصراحه…
وبالنسبة لإمتحانات الثانويه العامه… أخوي تبهدل بهدله ليما عرف المدرسة اللو هو فيها… الله يهدي الوزاره… يعني إذا غيرتوا المدرسه.. بلغوه…
الله المستعان
مرحبا الغلا …
مطبعة الوراقيــــن في الشــارجة …. خذي رقمهم من البدالة
وحده من هلنا طبعت رسالة الماجستير عندهم و شغلهم مرتب و نظيف
كلفتها اظني في حدود 2000 درهم …. هب متاكدة ….15 نسخة ( فيه 5 نسخ ملونه و الباجي ابيض و اسود)
و اظني هيه بعد طبعت جزء منه في البيت … طبعا ليزر ملون …. يمكن لهذا السبب الاسعار اقل !!!
اسعارهم حلوة و بعد شغلهم نظيف و يطرشوون لج نسخ الرسالة على ارامكس العين او اي مكان تحددينه
بغض النظر ع الاسعا…. الصراحة شغلهم مرتب حتى لو سعرهم وايد ما بتخسرين …
و انتي ممكن تتحكمين في السعر في اختيار مواد الطباعة …يعني نوعية الجلد و الورق
و ممكن انتي تختارين و فيه الزين و فيه الي هب زين
و موفقه ان شاء الله
باشو.. وين أخلي حد يسوي التايبينج لي.. بتم موسوه غنهم كتبوا شي غلط.. هذا تعب سنتين و نص.. طلعت عيني و أنا أعدل في النسخه و المشرف على الرساله يعدل فيها… باشو.. ممكن الرقم لو سمحتِ؟
أخوي سالم.. اكيد انا ما اشجع الواحد يروح لحد يكتب له الرساله.. و تدري.. حتى إذا قلت لحد يكتبها لي.. ما راح يعرف.. لني رسالتي عن مستحضرات صيدلانيه… و تجارب في المختبر و مع الفيران سويتها بروحي (اللي مع الفيران في دكتور جزاه الله عني خير الجزاء ساعدني واااااااااااااااايد فيهم)… إنت بروحك تسوي التجارب.. و مخك شوي و يطلع من مكانه علشان تشرح التجربه و نتايجها بالكتابه.. وين بعد أحد ما شالف المختبر بعينه يكتب لك إياه.. صدق.. حلاة الواحد يتعب بروحه.. و بعدين يفتخر في شغله…
بعد ما حطيت الموضوع حصلت واحد في المطبوعات الراقيه.. و عطاني سعر زييييييييييييييييين.. احسن بوايد من سعر ربيعتي.. بس بعد ابي أشوف كذا واحد علشان اشوف النوعية و الجوده…
بس انا الحين متلخبطه؟؟؟ سمعت إن في مطابع تودين لهم النسخة الإلكترونيه للرساله.. و هم يطبعون نسخة وحده و الباقي نسخ عليها…ما أدري.. انا اللي ابيه.. النسخ اللي بتتغلف تكون جودته معقوله و تغليفها حلو… و نسخ ثانيه تكون جودتها عالية و تغليفها ممتاز لأني راح أهديها لناس عزيزين علي…
شورا علي…
الاخت ماتقصد انهم يعدون لها البحث، تقصد تجميع وتغليف والله أعلم
انا مافهمت
انتي قصدج رسالة الماجستير جاهزة؟!
لانه مستحيل الطباعة تكلف 5000 إلا إذا هم بيعدون البحوث وإلخ
لو نفس الي في بالي مانصحج ياختي حلاة الواحد يقدم شي من مجهوده ويتعب فيه
حتى لو انركن
والله يووفقج
اسمحيلي الغاليه ما فهمت انتي تقصدين typing وله copying?
اذا copying عندنا في الشارجه 10 اوراق بدرهم ، واذا تقصدين ورقة الماجستير اتكون على شكل كتاب والغلاف ايكون صلب ف في مطبعه في عجمان اتسويلج هل الشغله واعتقد رخيصه اذا حبيتي بييب لج الرقم ،،