السلام عليكم
اخواني انا مقبل على بناء منزل العمر
وانا المقاول وفي خاطري شراء الحديد الحين
فشو النصيحة لافضل مكان داخل الدولة لشراء الحديد؟؟
الاماراتي او القطري او التركي
ايهم الافضل؟؟
17 thoughts on “طالب نصيحتكم لشراء حديد تسليح لبناء فلتي”
Comments are closed.
تسلم اخوي السيد عصام قالي ان السعر 2320 درهم للطن
وش رايك زين هالسعر؟؟؟
حياك خوي شيك الخاص
تسلم اخوي سيف العدالة
انا في العين والنية اشتري الحديد خلال اسبوعين
فقلت ما خاب من شاور
وتسلم
السلام عليكم و رحمة الله وبركاته ..
أخوي إلي يقول القطري أفضلك أو التركي أو السعودي … إلخ موب مضبوط … لأنك إذا بتبني بأي نوع من الأنواع المذكورة بيكون حاصل على شهادة الأيزو وشهادة الكيرز البريطانية .. يعني كلهم مجتازين نفس الإختبارات.
لكن إبعد عن الصيني أو الأوكراني .. إلخ لأنه في منهم غير حاصل على هذه الشهادات فيكون موب مضمون …
وإذا تبي خوذي الإماراتي إلي هو إنتاج مصنع الإمارات للحديد والصلب التابع لشركة الإمارات لصناعات الحديد هذا مصنع حكومي وحائز على كل شهادات الجودة ويستخدم بأكبر المشاريع…
إذا أنت بالعين راح يكون السعر أغلى من باقي الإمارات بشوي …
تبي تشتري حديد أكبر التجار “سيكون” و “بلدكو” … وفي عنك شركة إسمها دانوب من فترة لفترة تحاول تحرق السعر فيكون عندها أرخص .. خبرني بأي إمارة تبي وبيبلك رقم هاتفهم ..
وبالتوفيق
لكن وين افضل محلات لبيع الحديد
ابوظبي او دبي او الشارقة
او ان الاسعار نفس الشي
وهل في العين السعر اغلى؟؟