السلام عليكم
اخوكم بإذن الله بيتخرج من الجامعة قريبا وناوي يكمل نصف دينه ويصون نفسه ويتزوج بالحلال وعلى سنة الله ورسولة
بدخل فالموضوع على طول بدون مقدمات
الحمدلله في بنت, الاهل من فترة يرمسوني عنها ( مجرد كلام الحريم ) ودايما يمدحونها لي .. ومن صارت الامور جد طبعا هي اول من صرت افكر فيها .. كل شي الحمدلله تمام ومافي اي مشكلة
لكــن فرق العمر بيننا مش كبير .. انا اكبر منها بـ 3 سنوات بس !!
انا ماكنت حاط فبالي انها مشكلة !! لين الوالد عرف بالموضوع يلس معاي وحاول يخبرني بطريقة غير مباشرة انه مب موافق على هالبنت لان فرق العمر مش كبير بيننا وهذا شي مهم جدا من خلال خبرته يقولي لازم يكون الفريق اقل شي 5 سنوات !! والامر راجع لي وهذي مجرد نصيحه منه
بصراحه احترت وابغي رايكم انتو اخواني اللي فالمنتدى اكبر عني الله يبارك فيكم ممكن تخبروني من خلال تجربتكم او من الناس اللي عاشرتوهم هل هو فعلا مشكلة كبيرة ولا مافي مشكلة ؟؟
وطلب بسيط لكل من يمر على الموضوع انه يدعيلي ان ربي يرزقني ببنت الحلال اللي تناسبني وتريحني وتصووني وتحفظني ماعليكم امر الله يبارك فيكم
في انتظاركم اخوانـي .. ربي يعطيكم العافيه
السلام عليكم ورحمة الله وبركاته
أولا الله يباركلكم ويبارك عليكم ويجمع بينكم بالخير ويرزقكم الذريه الصالحه يارب سواء كانت الي في بالك أو حد غيرها
أنا عن نفسي أشوف أنه كل ماكان العمر متقارب كل ماكلن التفاهم أسهل
يعني يكون فرق العمر بينك وبينها أقل شيء سنه وأكثر شي 4 سنوات بس
جذيه كفايه
لأنها لوكانت وايد أصغر عنك، اذا سوت شي ماعجبك يتقول في خاطرك ورطت عمري في ياهل
وحلاتها الزوجه يوم تكون ناضجه و وفاهمتنك شو تبا مثل ما أنته فاهمنها
موفق بإذن الله … لك مني أجمل تحية
ياخوي
انا معرس وعمري 22 وزوجتي 19 نفس الفرق اللي بينك وبين اللي مرمسينك اهلك عنها
والحمدلله رب العالمين بالعكس مرتاح ومافي اي مشاكل
اذا الحرمه بنت عرب وناس طيبين تراها بتظهر على اهلها
والله يباركلك ويوفقك ان شالله ياخوي
ويرزقك بنت الحلال اللي فيها كل اللي تتمناه
ماقصرت اخوي بن سيف على ردكـ .. ولله الحمد البنت اخلاق وجمال وتخرجت هذي السنة من الثنوية العامة ( وهي من الاوائل على الدولة )
لكـن الوالد الله يطول بعمره وايد مركز على هالنقطة فأنا ابغي اعرف عن موضوع العمر فقط كيف تأثيره يكون بين الزوجين واكيد انتو فاهمين التأثيرات وخصوصا المتزوجين
شكرا لك مرة ثانيه ربي يوفقك ان شاءالله
ما قصر اخوي بن سيف قال كل الي كنت بقوله
الزواج من أعظم نعم ربنا سبحانة علينا
رأيي ياخوي أن الفرق بسيط بين 3 و5 سنين
المهم الزوجة يكون منطبقة عليها الصفات اللي يتمناها أي شاب
في شخصية أم عياله المستقبلية
شباب تزوجوا بنات أكبر عنهم بسنين ومافيه بينهم إلا الخير
وشباب خذوا الصغيرة الدلوعة وتعثروا في إكمال حياتهم
المهم الشخصية وجمال الروح والإستعداد لتحمل مسؤلية المشاركة في الحياة
نصيحتي لك أولا وقبل كل شيء إستخير الله
وتوكل عليه سبحانه وحاول ترضي الوالد والوالدة فهذا من أهم الأمور اللي تنجح الحياة الزوجية
أسأل الله سبحانه أن يوفقك ويسعدك وييسر أمورك