السلام عليكم ورحمة الله وبركاته
أنا أمس سرت وكالة المازدا وشفت المازدا6 ألترا اليديده
الصراحه شكلها طر ومن داخل حلوه بعد ومكينتها 6 سلندر 3,7 لتر
ونويت أشتري السيارة ….
بس سمعت من واحد من الشباب ( الريال عنده خبره بالسيارات) انه المازدا 6 حق أول سنه وبعدين طر بوكك وادفع على التصليح وغيره
وأنا راعي خطوط كل اسبوع رايح وراد …. فما أدري إذا حد عنده خبره في المازدا6 ألترا هل هي عمليه للخطوط … وبشكل عام هل المازدا6 تزيد خراباتها بعد أول أو ثاني سنه استخدام؟؟؟
أنتظر ردودكم لأني الصراحه مستعيل
والسموحه..
خذ كابرس وخل المصخرة
جيمتها 80 الف وباجي كمن وحدة في وكالة الكندي وغير جي تقدر تاخذها ظمان كيلو متر مفتوح
شباب أنا اشوف انه المكينة ما عليها كلام
6 سلندر و 3,7 لتر , 24 صمام ؟؟؟
الأفالون واللكزس Es أظن 3,5 لتر !!
والا شو رايكم ؟؟؟
مشكور على الرد أخوي السويدي
يا أخوي أنا كنت ناوي آخذ لي 430 أو 400 بس والله مليت من أصحاب المعارض النصابين
والله يا اخوي النفس عزيزة ….
95% من السيارات اللي في العارض مدعومه والا منزل عدادها
وكلها مبالغ في أسعارها ….
أنا قلت آخذ لي سيارة واكاله أفك عمري من صدعة المستعمل
بس يا ريت شباب تعطوني تجارب بعض الشباب ويا المازدا 6 وهل فيها عيوب وخرابات وايد تظهر بعد فترة بسيطة من الاستخدام؟؟؟
في انتظار أصحاب المازدا 6 بالخصوص …
حق الخطوط ماتنفع غير اللكزس ال430 او 400
إضافة
بالأخص الإخوان اللي عندهم ومجربين المازدا 6 يا ريت يفيدوني عن موضوع انها ما تنفع الا لسنتين وبعدين تتعب وتزيد خراباتها
و آسف على الإطالة