مرحبا صبايا و شباب
محتاجه مشورتكم في 3 اشياء و ان شاء الله ما تبخلون عليه بارائكم السديده
اول سالفه
ابا اكمل ماسترز بس ما ابا ادرس بزنس! خلاص يعني تشبعت
الدبلوم العالي = تسويق
البكالريوس = بزنس اند مانجمنت
و الماسترز قبلوني في ولونجونج من زمان بس روحهم اختارولي ماركتنج ….
و انا في خاطري ادرس شي ثاني ما يخصه في البزنس ..بس اغلب الجامعات ما اظن تقبل بهالشي ..ابا ادرس شي حلو و خفيف ..تصميم ازياء او اعلام او اي شي ثاني يدخل معلومات يديده في مخي
حد عنده فكره اذا شي هنيه في البلاد جامعه تقبل اغير تخصصي في الماستر ..و الا خلاص اقبل بالامر الواقع و ادرس شي ممل << بسرعه قبل لا ينتهي الايلس اللي عندي ..و صراحه اذا انتهى ما بعيده و بشل موضوع الماستر من مخي << على فكره هو بينتهي شهر 4 السنه اليايه
حد يعرف متى السمستر يبتدي؟ شي وقت الحق و الا خلاص؟
ثاني سالفه يطولي بعماركم..اليوم كنت اسولف ويا اخويه و هو ثالث ثانوي علمي ..و يبا يدخل طب..شي جامعه للطب في الامارات؟؟ الوحيده اللي اعرفها هي في محيصنه مال البنات
مادري اذا شي للاولاد ! و كم النسبه المطلوبه؟؟
و شي ثاني حد عنده خلفيه اذا بغا يستوي اخصائي تغذيه؟ شو بيدرس بالضبط و وين؟ و هل اخصائي التغذيه يعتبر دكتور و الا دراسته غير ما يخصها؟
السالفه الثالثه و الاخيره
ادور كتب دينيه مال الازهر ..حد يعرف مكتبه عندهم كتب عليها القيمه من هالكتب الفنانات ..غير عن دبي للتوزيع و المجرودي ؟ الرجاء الافاده
و سوري طولت عليكم ..و الرجاء اللي يعرف اي شي عن الاستفسارات اللي كتبتها حتى لو شي بسيط يخبرني
و يزاكم الله خير
أحسن دروس في الموسم القادم طبخ العرايين والفقع في الخوانيج ..
بالنسبه للطب إذا نسبته عاليه عنده جامعة الإمارات أو دبلن في أيرلندا .. وإذا وايد عاليه يتوكل على جامعة هارفرد أو mit يدرس 4 سنين بري ميدسن وبعدين يتخصص
هههههههههههههههه
دوبي بيبي بعدها اتفكر فى المستقبل ونست انها عيوووووووز
سوالف سوالف
كملي دراستج الين ماتشبعين دراسه ((صح انج خسرتي الحكومه بمافيه الكفايه ولاكن الله المستعان)
وماننسى مقولتج الشهيره ,,,الحياه حلوة,,,
لي رجعه وبرد على جميع الاستفساراتج الي ماتخلص ومابتخلص (انا متأكد)هههه
بخصووص الكتب الدينية رأيي من راي العضوو سرحان
مب كل الكتب الدينية ناخذ منها
شي كتب دينية ولكن للأسف فيها انحراف ..
اهم شي الكتب الموثّقة اللي على منهج السنة النبوية ..
وبخصووص الجامعات والتخصصات مالي خص بهالسوالف .. حدّي دكتوراة فخرية في النيسان(( فتك ))
موفقه ان شاء الله