مرحبا صبايا و شباب
محتاجه مشورتكم في 3 اشياء و ان شاء الله ما تبخلون عليه بارائكم السديده
اول سالفه
ابا اكمل ماسترز بس ما ابا ادرس بزنس! خلاص يعني تشبعت
الدبلوم العالي = تسويق
البكالريوس = بزنس اند مانجمنت
و الماسترز قبلوني في ولونجونج من زمان بس روحهم اختارولي ماركتنج ….
و انا في خاطري ادرس شي ثاني ما يخصه في البزنس ..بس اغلب الجامعات ما اظن تقبل بهالشي ..ابا ادرس شي حلو و خفيف ..تصميم ازياء او اعلام او اي شي ثاني يدخل معلومات يديده في مخي
حد عنده فكره اذا شي هنيه في البلاد جامعه تقبل اغير تخصصي في الماستر ..و الا خلاص اقبل بالامر الواقع و ادرس شي ممل << بسرعه قبل لا ينتهي الايلس اللي عندي ..و صراحه اذا انتهى ما بعيده و بشل موضوع الماستر من مخي << على فكره هو بينتهي شهر 4 السنه اليايه
حد يعرف متى السمستر يبتدي؟ شي وقت الحق و الا خلاص؟
ثاني سالفه يطولي بعماركم..اليوم كنت اسولف ويا اخويه و هو ثالث ثانوي علمي ..و يبا يدخل طب..شي جامعه للطب في الامارات؟؟ الوحيده اللي اعرفها هي في محيصنه مال البنات
مادري اذا شي للاولاد ! و كم النسبه المطلوبه؟؟
و شي ثاني حد عنده خلفيه اذا بغا يستوي اخصائي تغذيه؟ شو بيدرس بالضبط و وين؟ و هل اخصائي التغذيه يعتبر دكتور و الا دراسته غير ما يخصها؟
السالفه الثالثه و الاخيره
ادور كتب دينيه مال الازهر ..حد يعرف مكتبه عندهم كتب عليها القيمه من هالكتب الفنانات ..غير عن دبي للتوزيع و المجرودي ؟ الرجاء الافاده
و سوري طولت عليكم ..و الرجاء اللي يعرف اي شي عن الاستفسارات اللي كتبتها حتى لو شي بسيط يخبرني
و يزاكم الله خير
السلام عليكم ورحمه الله وبركاته
جوابي للسؤال الاول
ماجستير علم الاجتماع التطبيقي-يفيد ان شاء الله في مجال الحياه- جامعه الشارجه
جوابس للسؤال الثاني
جامعه الامارات متوفر فيها تخصص الطب والسنه ان شاء الله بيبدوون يدرسون في كليه الشيخه فاطمه للعلوم الصحيه ف العين -وفي رواتب تصرف أيضا
جوابي للسؤال الثالث
المكتب هذه موجوده ف كل مكان ومتوفره واذا ما حبيتي تتعنين اتصلي علي رقم الهيئه المجاني 8002422بيرد عليج شيخ من الازهر واساليه عن اماكن توفر هالكتب وان شاء الله هو بيفيدج.
وشكرا
درسي الجوده في الجامعة الاسترالية ,, اتوقع يخدمج في تطبيق الجوده اذا داومتي في أي مجال
خذي MSc in Economics وطبعا هذا على حد علمي غير موجود بالدولة
شهر 2 الماضي شفت جميع السيفهات الي تم جمعها (2000) من قبل المؤسسة اللي أعمل بها وكان معظمها IT و ماركتينج ، تسويف ، هندسة ، بزنس ، ديزاين وحصلت فقط 2 أقتصاد
اذا فية نية للدراسة برا خبرينا ممكن نفيد
بخصوص الكتب برد عليج بس عطيني وقت لانها في خنخوش داخل نايف مادري اذا بعدها موجوده او لا تخصص كتب اثريه وقديمه
وبخصوص الدراسه ادخلي في مجال الفضاء والفلك او الفيزياء او علوم الكيميائية
وعشان اشجعك هذي خلطه ورديه
.
.
.
بالنسبة للإستفسار الأخير
عندج مكتبة جرير في الميناء بأبوظبي و كذلك شركة المطبوعات بأبوظبي
احتمال تلقين طلبج عندهم
و ربي يوفقج و اخوج في دراستكم