السلام عليكم
مبارك عليكم الشهـــر،،
أنا أفكر أغير موتري الألماني بدون ذكر موديله.. الصراحه بهدلني تبهديل كمل وياي سنتين وشوي منه يخترب لي كل شوي صح التعديل عالوكاله لانه تحت الورنتي لكن الورنتي بينتهي خلال 10 اشهر فمن احينه افكر فالموتر لي باخذه ومنه قطع غياره نااار والوكاله يبالها يوم او يومين عسب يخلصون الصيانه الدوريه المينتننس (مادري باقي الوكالات كيف ماعندي فكره)
المهم انا عندي اختيارات وابى راي المجربيــــــــــــن بس وبدون تحيــــز من واقع التجربـــه،،
رقم واحد والمرشح القوي: اف جي ..
لانه اولا تويوتا ، بعدين قطع الغيار رخيصه وماظني الوكاله بتنقعني وان نقعتني بوديه اي مكان وبيمشولي اموري..
رقم اثنين اتوقع مايصرف وايد من حجمه ههه طبعا انا مايهمني كم سلندر -لو شي موتر ب 2 سلندر باخذه مب مهم
وسعره مناسب
صح اني بخسر المزايا لي عندي احينه من امان و ثبـــات و محدد سرعه وحساسات ومليون اير باج لكن لي اباه راحه البال
المرشح الثاني :
تويوتا -لاند كروزر
عاد هني فرق فالحجم والسعر والمميزات لكن الصراحه اشوفه معمر لين اليوم نشوف موديلات مال 10 سنين ورا -موتر مايقول اق
المرشح الثالث والصراحة هذا لي انا خاطري في من زمان وهذا هو الحب الاول والاخيــــر بس للاسف ماخذته لكنه موجود:
الفتـــــــــــك،،،، 
صراحه شكل داش الخاطر من زمان حتى امس حلمت انه عندي فتك ولا 2 من النيسان القديم (حلم شيوخي)
لكن ماخذته لانه يصــــــرف بترووول صرف،،
هذا عيبه العود ومثل ماتشوفون كل يوم رفعو البترول وانا من النوع النشيط ما ايلس في البيت فمافيني عقب اتم احاسب وين سايره ووين راده وبكم هع
والنيسان بعد مال مكده لكن ماعرف منو يكد اكثر ومادري منو خراباته (تعقدت) اكثر 
من تجربتكم شو رايكم وليش ابى حد يقنعني!!!!
ودخيلكم مابى ارمس رمسه شواب مثل موتر شباب وموتر بنات وخذي لج غيرهم انا اخترت هاييل فلا تقترحون غيرهم،، احين البنات يسوقون كل شي وتشوفون تراكم 
وبس
تقبلي مروري
اولا الرياييل هم لي يدخلون المطبخ مب الحريم فهالزمن فياتقول رمسه زينه ولا عندك اقرب ايدارررر..
مياثي: عزيزتي مابى النيسان اليديد شكله مب داش مزاجي موليه انا حطيت الفتك كاختيار،، بس شو عيوب اللاندكرروزر غير صوت المكينه!!!!
رقم ثلاثه المستر: والله انا بنت وليش كل البنات مايعرفون عن المواتر؟ ولا كل الشباب مايعرفون لسوالف الحريم تراهم طايحين ف بانكوك مانكير وباديكير ولا هايلا مب شباب والله حاله
ها وانا ماطريت الهدرز والكام والقزوز خخخخخخخخخ
والله ردودكم تسم البدن ها ونتو رياييل والعقل كامل فيكم هههههههههههههه-الله يعينكم على عماركم
شوف طال عمرك
ههههههههههههههههههههه
اولا دش بنك ريال وخل عنك هالحركات الطفوليه هذا اولا
ثانيا بالمنطق وبالعقل مافي بنيه عندها كل هالمعلومات اساسا ومستحيل ترمس بهالطريقه اصلا
يعني اللي بصدق انك بنيه هذا فعلا غبي وماعنده حواس بالمره
انا اوشوف زادت هالحركات من الشباب بس ماقول الا الله يستر عليكم وماتفقدون رجولتكم واللي بيزعل يدق راسه باقرب طوفه هههههههههه
حبيت افيد بس بفيد ناس تستاهل مب داشه بنك بنيه
انا شراتج كانت عندي بي ام وتبهدلت فيها وبعتها
وعقب شريت لاندكروزر 2010 ال 6 سلندر و بعتها لانها وايد حشره
تحسين صوت المكينه داخل .
ومواصفات ماشي !! وحتى وكالة الفطيم ارف
وخذت نيسان بترول 2010
الصراحه كلمة روعه اشوي . احلى واجمل من التويوتا بواااااااااااااااااااااااااااااااااااااااااااااااي د
والضمان تدفعين 1750 يعطونج ضمان 5 سنوات بدون تحديد الكيلومتر .
ووكالتهم الصراحه ذوق واحترام وتروحين لهم بدون موعد وانتي يالسه يخلصون الفحص واذا طلع شي في السيارة يعطونج قسيمة تركبين تكسي مجاني .
والبترول صرفيته افضل من الاستيشن
والمكيف ماشالله ثلج والمكيف مافيه صوت نفس اللاندكروزر
والكراسي مريحه جدا جدا يعني وقت الحمل وايد مفيده
وصوت المسجل وشاشته روعه وتتحكمين بكل شي من السكان
(( نصيحتي لج ابعدي عن التويوتا وجربي النيسان بترول se وادعيلي ))
انا من رايي انج تساعدين اهلج فالمطبخ لان هالايام رمضان والحريم يتعبوون حليلهم فالطبيخ*