هذا يا اخواني صيد الشعري بالتدمينه وعليك بتكبير الييمه ونوع ييمتك نغر وعومه وقرفى واذا تبى تدلع نفسك والسمك حط صلاخه الصدى وشوف شو بييك في الخيط[img]http://uaesm.maktoob.com/up/uploads/9c254819c4.jpg[/imgaesm.maktoob.com/up/uploads/831c5f8a33.jpg[/img]]

19 thoughts on “صيد الشعري بالتدمينه”

  1. مشكور على المرور
    اخواني بوسالم ونشواني مشكورين على المشاركه.والبحر فيه الخير والصيد توافيق يابوسالم ويوم السبت صايدين وياك هوامير بعد مب شعري قول الحمد الله.والسموحه منك يا النشواني بس اخونا الفراغ قام بالواجب ووفر عليه.

  2. مشكور على المرور
    مشكور اخواني البالول وبن منصور على المرور والمشاركه.والحداق بالصاروخ على حسب المايات والمايه هذا اليوم حاميه شوي والصاروخ ما يصك القوع.وفالك طيب يابن منصور بنوديك عقب العيد يوم بتينا الشارقه.

  3. على حد علمي ..

    التدمينة متخصصة للشعري .. يعني موب معناتهاا ما تصيد إلا شعري .. بس غالبية السمج الي ينصاد بالتدمينه شعري ..

    إخواني الي يسألون عن التدمينة ..

    تتم طريقة التدمينة عن طريق وضع ميدار أول الخيط ومن ثم شك الميدار بصيمة أو برية حية ( ميول ) أو عن طريق وضع العووق الطولي ( النغر ) في الميدار ومن ثم وضع البلد ( الي هو عبارة عن وزن يعمل على تنزيل الخيط إلى قاع البحر ) وتختلف أحجام البلود على حسب الوزن في الوزن من 6 كج وانت رايح وفي أقل بس ما يستخدم للأعماق الكبيرة .. احنا غالبا نستخدم بلد رقم 8 لأن غزر البحر عندنا يوصل لين 70 أو 80 باع يعني تقريبا يوصل لين 200 م واشوي .. فالبلد يوضع بعد باع أو باعين من الميدار على حسب الصياد وطريقة استخدامه للخيط ..

    والسموحة هذا اجتهاد شخصي وطبعا أهل البحر أدرى بهالأمور ..

  4. الله يجزيك خير اخوي صلاح ونبي معلومات عن طرق الصيد بس ياريت تترجمون مسطلحات البحر هههههههه ( توضيح الصيد وبالكلمات اللي يعرفها اهل البر شراتي ) اما اهل البحر فاهمين هالكلمات .

    تحياتي لك

    أنا أيضا لم أفهم .. ننتظر الشرح

Comments are closed.