السلام عليكم ورحمة الله وبركاته
اليوم حبيت اشاركم في موضوعي البسيط طبعا انا حاط صور سيارتي اللكزس وعليها رنقات بريكات TRD + سوبرجارج
وهذي صورة المكينه عليها سوبرجارج
وهذي صورة البريك الجدامي والدرام
وهذا الدرام الوراني
وفي الاخير هذي صورة السياره مع غصاء الهوك الامريكي الخلفي يعطيها شكل جدا حلو
التركيب كامل عند جورج في بوظبي السوبر مع روس الهيدرزات 34000 وطبعا صوت وكااااااله
الرنقات مع التواير 13000
البريكات ورا وجدام 13000 طبعا البريك مثل الريشه والدرام ماينخرط فقط ينعمل له بولش وتعيش السفايف لحد 70000 كيلو متر
مرحبا اخوي السياره ماشيه 6000 كيلو شوف اذا بتسوقها سواقه عاديه بتشوفها كانها وكااااله اما اذا دعستها من 140 مثلا بتشوف الغيار بعد جدا عادي اما اذا دعستها من الصفر تحس بنتعه شي بسيط جدا بس انا ماكبرت الانجكترات بس علشان هي السوالف
ورا تقريبا بيطلع عليك 2500 ترا علي فكره هوه بيركب لك الدرام والسفايف بس السلندر بيكون مالك الاولي وبيصبغه لك احمر
مرحبا اخوي لا هذا الغطا انته اول ماتشتريه مايركب طبعا لانها خليجيه اما الامريكيه الها كلبات والخليجيه تركبه شوب بطريقه ثانيه اما القلص لازم تشله والامريكيه بعد نص الشي يكون القلص مع العده في الدبه يوم تبغي تقلص تشل الغطا وتركب القلص بس طبعا بطريقه سريعه مب مثل الخليجيه نزل السبير وشغلانه طويله
هذا في مصفح ورقم تلفونه والله مب مسجلنه عندي ولكن فالك طيب بيبلك اياه