هل صندوق دعم المشاريع بواسطة ؟؟؟
أنا سمعت من شباب وايدين كل ماسأل حد عن صندوق دعم المشاريع يقولي لازم واسطة وغير هذا انه الموظفين اللي في الصندوق ياخذون أفكار الشباب بعد رفص فكرتهم مع انها مجدية ومستوفية كافة الشروط ويعطونها لحد من اقاربهم أو حد يعرفونه عشان يبعد اسمه عن الموضوع هل هذا صحيح؟؟
يعني الواحد يتعب ويعصر افكاره ويخسر فلوس غير المشاوير اللي يروحها عشان ياخذ معلومات وينذل في الأخير بكل سهولة تروح عنه الفكرة لواحد ثاني
الله يوفق شبابنا
للـــــرفـــع عشان نعرف نتوجه للصندوق ولا بس نعطيهم أفكار وهم يستفيدون؟؟
أخوي ولد العين ماقصرت في تجربتك ومفيد والله يوفقك في مشروعك المستقبلي
بس الصراحة أما جملة مشروع يديد لو سألتهم نفس السؤال نبا نعرف ردهم شو المشروع اليديد اللي مب موجود ولا بيتهربون من السؤال وبيقولون مانبا نطلع افكار حد
حسبي الله ونعم الوكيل
أخوي al3in999حاول انك تقابل مسؤول كبير وتسمع رده اذا ماستفدت شي مابتخسر وعالاقل يحسون انه في حد يتابع من وراهم
وأنا اشوف لازم الواحد يتكلم ويوصل الكلام للمسئولين عسب يعرفون العقبات اللي توقف امام الشباب ويتحذرون ضعاف النفوس وماياخذون ملك غيرهم
نفس السالفه سرنا انا وربيعي وضربنا هالخط على اساس انه شريكين
ووصلنا موعد مقابلتنا عقب معاناه يمكن شهر او شهر ونص او شهرين ماذكر بالظبط مع انهم وعدونا خلال اسبوعين من يوم
ماسجلنا
المهم وصلنا عندهم وقلنالهم الي فخاطرنا .. قالو لا سوري ونحن مانستقبل مشروعكم ونحن مانخصص اراضي مخصصه
تسون فيها
مشروعكم .. وجيه يعني حبطوونا مع انه الاوراق الي عطونا اياها فيها بنود وايده ونحن ماطلبنا الا حطينا اشاره صح بالاشياء
الي يقدرون يساعدونا فيها.. تخصيص ارض + تمويل .. الحلو في صندوق خليفه انه يدعمون مشروعك يعني تبا تمويل
تردلهم فلوسهم بدون فوايد عقب كم سنه .. هذي ميزتهم بس
@@@@@@@@@@@@@
^-^ الله كريم
اشكرك يا اخوي على طرحك هذا الموضوع المهم …
والصراحة لازم الناس اتفكر قبل ما اتسوي اي شي وطبعا الدوله وشيوخنا ما قصروا وسوا اللى عليهم ولكن دايما نواجهه مشكلة ((ضعاف النفوس)) واللى هم يستغلون المصلحه العامه وخلونها لمصحتهم الخاصه …
وعلى طاري المشروع فكره طيب من شيواخنا المشروع هذا…
وانا الصراحه من تجربتي …
سرت يوم لصندوق من الصنادق لدعم مشارع الشباب طبعا ما بنذكر المكان (( افضل لا يسئ الظن )) وكانت عندي مشاريع اكثيره ورحت عندهم وسالته بالمشاريع اللى يدعمونها ….
طبعا استقبلوني وما قصروا ويلس يشرحولي (كلام…كلام…كلام…كلام..) من كثرة الكلام يمكن اللى يقوله ما يعرف شو يقول ههههه
المهم وفي نهاية الكلام هذا قالولي شي حيرني لين الحينه ما فهمت ويش كانوا يقصدون…
قالوا طبعا القائمه اللى ما يدعمونها ((سوبرماركت..حلاق..كوفي…كراجات..مقاولات…نقليات …محلات بكل اشكالها…)
طبعا بعد ما خلصوا القائمه اللى ما يدعمونها قالوا (((( نبي شي مش موجود وعليه طلب في السوق )
لعز صح ههههه
وعلى ما اظن (( اذ الشي ما يعرفه الزبون كيف بشيتريه وبيكون عليه طلب ههههه
طبعا لاحظة لوحه مبينه فيها كم شركة داعمينها ولاحظة فيها شركة حجر وشركة طباعه وشركة مقاولات ….
انزخوووووو
سؤالتهم عن الموضوع قالوا هذا قبل القرار نزل قرار قبل اسبوع وخلاص ما ندعم المشاريع هذي
وانا الصراحه عن وجهة نظري الحينه اغلب المشاريع اللى موجود عندنا مالكينها اجااانب وهي نقطة لوتكلمت فيها ما بخلص لانها نقطه مهم جدا جدا …
والصراحه انا يوم شفت السالفه كذي الله وكيلك قلت بجمعلي كم فلس واسوي المشروع وانا مرتاااح وهذي طبعا تجربتي واسمحولي اذا قصرت في التعبير ……
نفس السؤال ونفس الكلام انقالي .ويوم فكرت وخفت طبعا سرت اسوي بروحي مشروعي …….
بالتوفيق اخوي