تقبل الله صيامكم وقيامكم
كتبت هذا الموضوع ابا اعرف حد صادفته هذي المشكلة او حد يقدر يشوفلي حل
عندي استيش 2009 مدعوم وصلحته وطبعاً سويج الوكالة ضايع فشتريت له سويج يديد من الوكالة
ووديته عند محلات المفاتيح عشان البرمجة لكن للاسف محد قدر يبرمجة والسبب الحادث وقالوا لزم سويج الوكالة وسويج الوكالة ضايع
ووديته الوكالة وقالولي بنبرمجه بـ 280 درهم والامور طيبة
المهم بعد ماوقفته في الوكالة قالولي الوكالة هذا مايتبرمج لزم نبدل 3 كمبيوترات وبيكلفك مايقارب 7500 درهم
قلت لهم بدلوا وبعد يوم قالولي في كمبيوتر رابع لزم يتبدل يعني بيكلف 10,000 وشوي قلت امري لله وماشي عندي حل ثاني
المهم امس قالولي عشان اتدق سلف السيارة لزم تبدل 6 كمبيوترات يعني بيكلف فوق ال 20 الف بس عشان اشغل السيارة
المهم انا اتهاوشت وياهم ورديت لهم الكمبيوترات وظهرت الموتر
وابا حد من اهل الخبرة يدلني على محل مفاتيح متمكن في امور البرمجة
مثل ما قال اخوي Gold في سوري اسمه شي المفتاح حذال مستشفى دار الشفاء في ابوظبي شارع الدفاع يمدحونه
انا ناسخ عنده مفتاح لكزس وبصراحه شغله عدل
والسموحه منك
روح كراج تقي في الشارجة
وأخوي نصيحه اذا كانت سيارتك وارد فأنسه شي اسمه الوكاله يخربطون اكثر مايصلحون ويضربون بالعالي لما يعرفون انو السياره وارد
اخوي في واحد سوري مضبوط …..محله في البناية الي عدال مستشفى دار الشفا في بوظبي وان شاء الله بيخلصك