—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
افضل طريقة للتسويق
عزيزي بن دولار
لك رسالة على الخاص
المرحب باقي اخويه / بن دولار
تسلم على هذا الرد الكافي الوافي ومشورتك في عين الاعتبار
فيما يتعلق بالمشاريع الأنسب في قطر أنا أتفق وياك وفعلا كل
الي قلته صحيح .. والصراحة المشاريع الي ترتكز على الطعام
والتغذية عموما أحس انها افضل المشاريع .. تعرف عاد عند
البطون تعمى العيون يعني الزبون بياكل بياكل شاء أو أبى
وطبعا الأمور أولا وأخيرا كلها توافيق من رب العالمين سبحانه
،
(1)
الله يقدم الي فيه الخير ان شاءالله أنا بنقل الفكرة بعد دراستها
دراسة مبدئية على السوق القطري .. لكن هل تشوف انه لو
نحاول مع مطعم او محل معروف في الامارات مثلا او اي
دولة خليجية ونتعاقد معاهم على نظام التوكيلات الي شجعت
كذلك عليه في موضوعك هذا ومواضيع ثانيه .. هل تحس الـ
فكرة زينه؟ لأن صراحة خوفك من الجوانب الادارية وماشابه،
انا مااحب (اكسر مياديفنا) ولكن الاسيوين والغرب عادة .. اكثر
احترافية في هالامور ( مب دوم لأني شفت طبعا تلاعبات حتى
في توكيلات من اجانب غدروا بصاحب الوكالة وسحبوها لآخر
عشان مصالحهم المادية او مثلا بحث عن “اسم” له مكانة اجتماعية )
يعني الامور هذي اكيد تخضع في النهاية للتوفيق عِربي كان صاحب
الاسم والا أجنبي لكن من خبرتك في السوق هل تراها فكرة جيدة :
الحصول على علامة احد المشاريع الخليجية الناجحة ونقلها لـ قطر!
——–
(2)
بخصوص الحديد والأسمنت يا الغالي أنا ماقصدت انه
بيدخل براسمال يشتري ويبيع بحيث يكون في مخاطرة كبيرة
واحتمالية فشل واسعة بسبب (مافيا السوق) و قلة الخبرة وفرق السعر
أنا قصدت ان مثلا الاسمنت سعره ممتاز في الامارات والسعوديه
عن اسعار سوق قطر فـ يقدر يدخل كـ (وسيط) بين المصنع أو
المصدر وبين التاجر في قطر وكذلك العكس حديد اماراتي للتصدير
مثلا للسعودية .. وهكذا .. الشغله ( وساطة ) لكن تنقصها “مصادر“
تكون موثوقة .. المشتريين المحتملين موجودين. بالنسبة لي مواضيع
الوساطة لا تستهويني كثيرا ( رغم انها اكيد لها ثقلها وربحها الغير بسيط
خصوصا في هالمجالات) لكن ماافضلها بسبب قلة وضوح المفاوضات
وتعدد الأشخاص في طابور وسطاء ماتعرف من الكلام غثه من سمينه
الا من رحم ربك ..! وعادة تنهضم حقوق الساعي ان ماكان مضبط اموره
وياهم ..! لكني انشد لأهمية ذلك لانسان عزيز قصدني في الموضوع و
حبيت استنير بمعرفتك و اغنم منك نصيحة لـ خبرتك ماشاءالله عليك
.
.
.
وختاما لك أصدق عبارات الامتنان..!
مع تحياتي / فرصة تجارية
GeneralTreader @ Gmail
يامرحبا فيك ياخوي والله يبارك لك يالغالي في مساعيك
بناحية نظريه ودراسه لسوق القطري يفتقر السوق فيها لكثير من مشاريع
واكثر مشاريع لي يفتقرها هي مشاريع الأستهلاكيه ولكن مشكلة السوق القطري
عدم توفر محلات تجاريه في مواقع المناسبه ودايم محلات متوفره داخل اسواق او في مراكز
تجاريه وهذي الي يخلي موضوع تجاره في قطر موضوع غاية في الصعوبه للقدره ماليه لشخص الي حاب
يبدي بمشروع ويكون نفسه بنظره عامه الله يبارك فيك مشاريع الي تنقص قطر هيه مشاريع وافده من دول الخليج
مثال لو تفتح محل في اي مكان في الأسواق القطريه وعباره عن منتجات دول الخليج ويكون محل لسلع الاستهلاكيه
مثل الحلوي العمانيه القيمات الاماراتي خبز الرقاق البلاليط العصيده الخبيصه نكهات من شاي الكرك وتيب
نكهاة جديده مع حلويات جديده من دول الخليج صدقني مشروع بيحصل اقبال كبير لنا سوق القطري
مشبع بمنتجات القطريه بس لو تلف مابتحصل منتجات دول الخليج فيه بشكل عام وانا لأخر زياره
لسوق القطري اغلب محلات التجاريه ناجحه هيه الي فتحت في ثمانينات وتسعينات وبعدها باقي محلات
عباره عن محلات تكميليه وهذي يدل علي تكرار الأفكار ولايوجد جديد وهذي نصيحتي لك افكار الخليجيه تنقلها
الي قطر وتركز علي السلع الأستهلاكيه وتبتعد عن سلع الخدمات مثل مقاولات والتنظيف وصيانه ابتعد عن هل مشاريع
لنا اشوفها مشاريع فاشله بدون ماتوجد علاقات كبيره بتوديك للخساره
__
اما بخصوص موضوع الحديد والاسمنت انا اشوفه موضوع من بدايته موضوع فاشل لنا لو تشوف وتدرس السوق
بتشوف السوق القطري اغلي من باقي الأسواق مثل السعوديه والأمارات في مواضيع الحديد والاسمنت لو كان سكراب
وتمنالك التوفيق ولاتحرمنه من تواجدك ونشاءالله قدرة اوصل لك فكره لو بسيطه
اخوكم
بن دولار
بسم الله الرحمن الرحيم
.
.
.
السلام عليكم يميع
شحال كلن بسمه؟
اخوي صاحب الموضوع المميز
الاخ صاحب الصدر الرحب / بن دولار
جزاك الله خير على مساعيك وردودك الوافية
استفدت وايد من موضوعك نمى معارفي وفتح لي آفاق من الأفكار!وانت كما عهدتك خلال متابعتي للمنتدى من سنين
سباق للعون و تأتي بكل جديد .. ماشاءالله عليك
،
(1)
عندي استفسار لاهنت ..
شو الفكرة المناسبة لمشروع تجاري في الدوحه؟!
صاحب المشروع قطري طبعا و راس المال متوفر
ولله سبحانه الفضل لكن يعتمد على الفكرة نفسها
الشخص له خبرة في الناحية الادارية فهو يسهم
في ادارة مجموعة تجارية عائلية .. لكن يرغب في فتح
عمله الخاص .. ابحث عن فكرة مناسبة عشان اعد
دراسة جدوى واقدمها له .. لدوافع اخوية
و رغبتي في تشجيعه على البدء في
مشروعه الخاص ان شاءالله
فهل من مشورة ..؟
————-
(2)
لدي مشترين محتملين لحديد السكراب والأسمنت
وليس لي أي خبرة في المجال! المسألة كلها جت
صدفة وعن طريق صديق (الموضوع يخصه)
لذا ابحث عن مصدر موثوق فيه ومخول للتصدير
للخارج (السعودية وقطر) فهل عندك اي فكرة او تشور
علينا بمصادر ثقة؟ (ممكن تسويق كميات كبيرة)
.
.
.
وختاما أشكرك مرارا وتكرارا ..!
مع تحياتي / فرصة تجارية
GeneralTreader @ Gmail