—
شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع
ولي مب عارف كيف يبدي وشو ايجابيات الخطوه الأولي وسالبياتها
وصدقوني كل شخص وله ميزه في التجاره ودخول عالم الأموال ولكن تنقصه الدفعه
او الفكره او المعنويه
فعشان جذي حبيت اليوم اطرح هذا الموضوع ونشاءلله بنتشارك في الحلوه والمره
انا اشتغل في تجاره الأستيراد وتصدير ودخلت في مجالات كثيره بين موانئ الدوله
وخارجها وعارف انواع البضاعات المستورده والمحلية وتقليد من الأصلي
—
اليوم إلي عنده مشروع ومب عارف شو يسوي انا بساعده وباخذ بإيده
وثاني شي الي عنده راس مال ومب عارف يدخل في شوه انشاءلله بعد راح اساعده
ومابقصر ولي حاب يدخل مع شخص شريك بعد انشاءلله ماراح اقصر
واي شخص حاب ياخذ معلومه عن سلعه او عن بضاعه او شركة خارج الدوله
يبغي التعامل معها انشاءلله ماراح اقصر معاه
تقبلو تحيات اخوكم
بن دولار
يامرحبا فيك ياخوي بخصوص موضوع شغل الطبخ انا اشوف من راي انه الحرمه توفرلها
من مواد الي مواعين الي شغاله وهي في البيت بدون دخول في عالم الرخص التجاريه وخساير
بعد ماتكون لها شعبيه وزباين عندها واسم بين الناس ولكل ياخذ من عندها
بعدها تبدي خطوة المحل ورخصه والاسم التجاري
اما بخصوص الحسابات والتشيد انصحك انك تدخل في مجال السلع الاستهلاكيه وتبتعد
عن سلع الخدمات دايم السلع الاستهلاكيه الامي ودارس وكبير وصغير يقدر ينجح فيها
اذا توفتر الظروف ودراسه البسيطه لكن الذكيه وخدمة المكان الي موجود في الاستثمار
وكل الناس تحتاج لسلع الاستهلاكيه ونا انصحك علي وجود هذا المبلغ تدخل بمشروع سوبر
ماركت صغير ولكن الموقع لازم يكون موقع سكني يديد او موقع شعبيه يديده او يخدم بنايه كبيره
فيها اقل تقدير من 12 شقه بهذي الطريقه تكسب ارباح ماتتخيلها وهذي نصيحتي لك
واي سأل او استفسا رانا حاضر
اخوكم
بن دولار
السلام عليكم ورحمة الله وبركاته اخواني الاعزاء
حبيت اسال في حالة حبيت افتح شركة وسطاة تامين شو هي الشروط المطلوبه مني عشان احصل على السجل التجاري بالامارات وهل كل اماره تختلف بيها شروط استخراج سجل تجاري . وكيف استطيع احصل على شركات تعطيني الحق باني اروج منتجاتها التاميينه بالامارة
تحياتي اليكم اخوكم فهد من سلطنة عمان
السلام عليكم و الرحمة
الله يعطيك طولة العمر و الصحه عالمجهود اللي يخدم اخوانك سوا المبتدين و الا اللي يبون يطورون مشاريعهم…
الله يسلمك اذا حد عنده مبلغ 300 الف درهم و عنده خلفيه في مجال التشييد و خلفيه بسيطه عن الحسابات شوه يقدر يسوي ؟؟؟
واذا فيه وحده من الحريم ما شالله عليها طباخه درجه اولى شغلات محاشي و مشاوي و طبيخ دار و كيك و مثله كيف تقدر تبدا في بوظبي شو الاجراءات من رخصه و غيره مع العلم بانه راس المال موجود لين 100 الف وهل تحتاج خدامه خاصه وهل هالخدامه تطلع على الرخصه اذا فيه رخصه اصلا
السموحه طولت عليك بس متعشم فيك سعة الصدر طال عمرك
و مشكور مقدما
مرحبا اخوي بن دولار
انا من متابعي موضوعك وماشاءالله عليك ، ما تقصر في حد … ربي يعطيك الصحه والعافيه ويرزقك على قد نياتك
اخوي شدني ردك على الاخت بنت دبي .. واذا ما عندك مانع حابه اعرف المواقع الي تكلمت عنها وممكن استثمر عن طريقها ..
اخوي انا عندي 135 الف درهم … اول ما فكرت اني ابدأ بمشروع صغير من البيت خدمه مانيكور باديكور والنيل آرت .. على اساس بييب فلبينيتين خاص للشئ هذا وتكون خدمه منازل وفكرت اطلع رخصه مبدعه عشانه ، لكم الموضوع وقف بسبب مشاغلي وظروف مريت … وهذا الموضوع انا احبه وامارسه بنفسي..
وعقبها فكرت اني افتح صالون متخصص في الموضوع لكن فكرة الصالون مب مستهوتني وايد
والي عزز الفكره اكثر ان نسيبتي تريد تفتح صالون في راس الخيمه .. وتباني اشاركها .. انت شورايك ؟
حاليا :
افكر اني افتح محل صغير لوازم نسائيه وفكرت يكون له علاقه بالفكره الاولي ..
بصراحه مب عارفه ارتب افكاري ..
بغيت مشورتك .. ورايك لا هنت …
يعطيك العافيه
ام عبدالرحمن
والله موضوع ياخوي يبغيله دراسه من ناحية موقع الصالون يعني ابتعد عن السوق وزحمه
والعاصمه ركز علي مناطق الخارجيه اشوف مدخولها يكون اكثر واربح عشان تكسر
منافسات صوالين الثانيه هذي نصيحتي لك واي سأل او استفسار انا حاضر
اخوكم
بن دولار