شي في خاطرك عن مشاريع (بن دولار يفيدك)

493 thoughts on “شي في خاطرك عن مشاريع (بن دولار يفيدك)”

1. يامرحبا فيج اختي بخصوص موضوعج
   
   نصيحتي لج دام انا البيت ونيت الشغل فيه الحمدالله فانصحج انج تأجلي موضوع
   
   المحل والرخصه
   
   وتبدي بالأستيراد يسموه الاستيراد الملغم
   
   تستوردي بضربه وحده وعلي اسمج وتتفقي مع شركات يكون الاستيراد بمبلغ والفواتير
   
   بمبلغ مثال بضاعة الشنط والالبسه والاكسوارات وزن مافيها كبير وزنها خفيف
   
   بس مبالغها كبيره اذا اشتريتي شحنة هذي بــ 50 ألف يكتبو في الفاتوره قيمتها 18600
   
   وعلي هذا النظام الفواتير اسعارها اقل من البضائع هذي تضمن انها تكون مقتنيات شخصيه
   
   وثاني شي تضمن عدم دخولها للبوابات الجمارك ومبالغ الضرايب الكبيره
   
   اما بخصوص الاستيراد وتصدير من صين شركات الي املكها ماتتعامل
   
   مع الشحن البسيط مثال لو بتاخذي شنط وملبوسات وعطور واكسوارات مانصحج تتعاملي
   
   مع مكاتب تقضي امورج وتشحني علي اي شركه طيران ونتهي الموضوع يسموه الشحن الجوي
   
   اما اذا كانت بضايعج كبيره ووزنها كبير تتعاملي بالكونتينرات وتشحنيها شحن البحري
   
   انا الي موجود عندي الشحن البحري واقدر اوفر لج مكاتب الأمن في الصين واصحاب نفوذ
   
   الكبيره وفاهمين السوق الصيني شوفي شو الي يناسبج ونا في الخدمه
   
   ونشاءالله قدرت افيدج
   
   اخوكم
   
   بن دولار

   جربت عن طريق شخصي من السعوديه للامارات تعقدت الامور جدا لانه الكميه كبيره انا ماطلب حبه ولا حبتين اطلب بالدرازن لانه صعب كميه صغيره واخر شي توقفت الشحنه وعقدو الامور قالو هاي مب اغراض شخصيه وهاتو رخصه محل يبنا رخصة محل ردو قالو هاتو اثبات انه هالمحل طالب هالشحنه تعقيدات فتعقيدات لين اخر شي طبيتهم وخسرت 6 الاف درهم فالبضاعه
   ياليت تزودني بالمكاتب الي تتعامل مع الشحن البحري تجارتي تعتبر متوسطه تقريبا بتنفعني
   

2. رحبا اخوي مشكووور على المجهووووود الطيب في ميزان حسناتك انشاء الله اخوي انا بشتري مغسله ملابس في خورفكان بس هيه جديمه حبيت اجدد فيها في تغير الاسم واضافه عمال ابي افكار جديده للعلم هناك مغاسل منافسه اذا ممكن تفيدني بافكار يديده ولك من جزيل الشكر

   مرحبا ياخوي وتقبل الله صيامك ووفق للخير

   اي مغسلة جديمة واي شخص يشتريها يحط في باله انه ماشتري منجم ذهب

   هو الي يصنع منجم لني صاحبها القبلي لو تدر عليها ضهب مافرط فيها

   —

   بخصوص الافكار اخوي مغسلة ماتكسر مغاسل الي عدالها وتحطمها الي بمكاينها

   عندك مكاين بخار ومكاين العبي والفساتين للحريم وعندك مكاين التقرطيس ومكاين الارجنت

   الغسيل السريع

   اخوي اعتمد علي مكين شي مكينة استمت سعرهاانا في شركة في دبي اسمها كلينكو شركة

   بــ 32 الف درهم وهذي مكينة تشمل البخار والغسيل يعني الهندي ماعليه غير يكوي

   واذا عندك مبلغ 20 الف يركب لنفس مكينة الي قلت لك مكينة تكوي وتقرطس يعني

   مكية يركب عاليها زوايد عليحسب مبلغ وميزانية الي عندك

   فحاول تكون في محلك مكينة من هل مكاين عشان تاخذ السوق الي حولك

   وتجذب الناس عندك ولازم تكون مغسلة لها مميزات مثل استخدام مساحيق

   بعد ماتتغسل ملابس حاول تدخل بودرة دهن العود او رش دهن العود من اجمل

   علي ملابس وحاول تاخذ الناس الي تغسل اسبوعياً وترضيهم يعني اسلوب العطورات للزباين

   بس الدايمين للمغسلة

   ونشاءلله قدرة افيدك واذا تبغي افكار بعد انا حاضر

   وامر وتدلل

   اخوكم
   بن دولار

   __________________

3. السلام عليكم

   شحالك اخوي بن دولار وجزاك الله خير على المجهود الي تبذله وربي يجعلها في ميازين حسناتك

   يطولي بعمرك عندي مبلغ 50 الف درهم وناوي اسوي دوبي في ضواحي بوظبي تتتوقع ان المبلغ يكفي أو وكم لمبلغ الي بيكفيه

   وربي يطول بعمرك

   تقبل الله صيامك ياخوي

   وبخصوص المشروع يكفي دام انه بضواحي بوظبي ياشيخ

   وبدي مشروع وتوكل علي الله وختار لك منطقه بضواحي شرات باهيه شامخه ……والخ

   وشترط علي مأجر الاجار دفعاة اذا 30 الف الاجار قول له 15 الف هل شهر و15 الف بعد ست شهور

   ونشاءلله ترتب اوضاعك وتبدي مشروعك وتوكل علي الله

   اخوكم
   بن دولار

   __________________

4. شكرا لك أخوي على النصيحة ..

   و صحيح أنا أول مرة ابدأ التجارة ..

   لكن كل من أقول لأحد اني ودي أفتح مطبعة يقولون لي مكلفة و صعبة و تحتاج راس مال عالي حيل .. وان آلات الطباعة غالية وصعب توفرها ..

   ما ادري هل عندك خلفية عن الموضوع ؟

   أقصد اسعار الآلات والحبر وتكلفة المشروع ككل لو بالتقريب ..

   انا كنت حاطة في بالي راس مال 200 ألف للمكتبة القرطاسية ..

   بس ودي اعرف كم تقريبا تكلف المطبعة ؟ لأني اشوف ان المنطقة أحوج لها ..

   خصوصا اذا كانت الطباعة ممتازة و السعر مناسب و أرخص من المطابع الثانية لأنها غالية حيل

   شااااااااااااااكرة لك تعاونك ..

   الله يعطيك العافية

   الله يوفق ويتقبل صيامك

   بخصوص المطبعة اختي الكريمة تكاليفها اقل

   ومكائن ارخص بكثير وبطابع شركاة وتنافسها وتكلفة مشروع بتكون اقل من 200 الف

   وطابع انا طابعه تعتمد علي مكان اقل واجار اقل

   وتوكلي علي الله وعتمدي المشروع وحاولي ان تكون مكائن من شركة معتمدة ومن الوكيل

   للحصول علي ضمانات صيانة لمدة سنتين

   وحاولي ان تقولي لهم انا مكتبة هذي مابتكون الاولي والاخيره بتكون لج توسعات عشان تاخذي

   مميزاة اكثر وعروض اقل

   ووفق الله ونشاءلله قدرة افيدك واي سأل او استفسار انا حاضر

   اخوكم
   بن دولار

   __________________

5. اخويه انا طرشت لك رساله على الايميل بس ما رديت عليـه

   المهم بكتبلك الموضوع اهنه

   اخويـه انا طالب ادرس برع الدوله ..

   وحاب اسوي مشروع ف راس الخيمه

   عندي ميزانيه 100 الف

   بس افكر شو الي اسويـه مرات اقول مغسلـه .. دوبي يعني غسيل الملابس والستاير وجذه ومرات اقول صالون رجالي + ف ما ادري اخويـه انته تنصحني بشو ؟؟ اي مشروع يكون ناجح وتكون الميزانيه كافيه له 100 الف

   هلا ياخوي انا افضل السؤال في الموضوع لفايدة الجميع

   بخصوص سأل شو رايك تفتح مغسلة ملابس عادية يعني نص اوتاماتيك بتكلفة 50 الف

   وتفتح صالون رجالي بتكلفة 40 الف

   وبكذا ضربة عصفورين بحجر وحاول تخليهم عدال بعض

   ونشاءلله تكون انت من سكان الاماراة الشمالية لطابع انا الاجار رخيص ومايكلف

   اما اذا كنت من سكان ابوظبي والعين فانصحك انك تشوف احتياجاة المنطقه شو محتاجة

   دوبي او صالون وفتح

   وصدقني ابدي علي طول في مشروع هذا لنك بتستفيد فايده مابتتوقعها

   واي سؤال محتاج او مساعده انا حاضر

   اخوكم
   بن دولار

   __________________

Comments are closed.