بسم الله الرحمن الرحيم

—

شحالكم ياعرب الله وعلومكم اغلبية الموجودين هنا في المنتدي إلي يبحث بين مواضيع

ولي مب عارف كيف يبدي وشو ايجابيات الخطوه الأولي وسالبياتها

وصدقوني كل شخص وله ميزه في التجاره ودخول عالم الأموال ولكن تنقصه الدفعه

او الفكره او المعنويه

فعشان جذي حبيت اليوم اطرح هذا الموضوع ونشاءلله بنتشارك في الحلوه والمره

انا اشتغل في تجاره الأستيراد وتصدير ودخلت في مجالات كثيره بين موانئ الدوله

وخارجها وعارف انواع البضاعات المستورده والمحلية وتقليد من الأصلي

—

اليوم إلي عنده مشروع ومب عارف شو يسوي انا بساعده وباخذ بإيده

وثاني شي الي عنده راس مال ومب عارف يدخل في شوه انشاءلله بعد راح اساعده

ومابقصر ولي حاب يدخل مع شخص شريك بعد انشاءلله ماراح اقصر

واي شخص حاب ياخذ معلومه عن سلعه او عن بضاعه او شركة خارج الدوله

يبغي التعامل معها انشاءلله ماراح اقصر معاه

تقبلو تحيات اخوكم

بن دولار

493 thoughts on “شي في خاطرك عن مشاريع (بن دولار يفيدك)”

  1. اريد افتح كوفي راقي في بوظبي

    بس ناقصنيه اسم كوفي معروف اذا تعرف كيف اقدر احصل اسم

    وموقع تحت برج

  2. أول شي اشكرك اخوي بن دولار ..وان شالله في ميزان حسناتك ..الله يجززيك خير..
    مشروع صالة حديد (jym) في دبي كم يكلفني تقريبا .. ومن وين ابدا ومن وين اقدر اشتري الدنابل وسوالف الصاله يعني ؟؟ وهل تنصحني ولا لأ ؟؟

    مرحبا ياخوي وتقبل الله صيامك

    والله يوفق في حياتك

    اخوي مشروع صالة الحديد يكلف تكلفه بطبع انا المعدات غالية الدناب بروحها

    بــ 15000 الف من غير مركض الي سعره 2000 درهم وهذا بالخصم وبالمحايل يوصل سعره

    4000 درهم ومن غير مكان الي تستأجره مابقل اجاره عن 80 الف اذا مكان برع السوق وبيوصل 150

    الف في الشهر لطابع انك تبغي مكان كبير وياخوي الصاله مربحه بس لازم تتريا علي هذي التجاره

    لين ماترد خسارتك يعني يبغيلك 2 سنتين لين ماترجع فلوسك واذا مشت هذا واذا مامشت عليك

    بالعوض حاول اول شي تدور علي مورد اجهزة رياضية برخص سعر حتي لو تدور اجهزه مستعملة

    بيكون احسن لك لني الأجهزه الرياضيه بعد ماتستعمل تنباع برخص التراب

    الي سعره بـــ 1000 دلاهم يبنباع بــ 300 درهم

    ونشاءلله قدرت افيدك والله يوفق

    اخوكم
    بن دولار

  3. يعطيك العافيه يا بن دولار

    اخويه أنا عندي محل وكنت ناويه أفتح دوبي

    بس في ناس نصحوني أفتح كافتيريا

    المحل موجود في منطقة سكنية وفي مجال للنشاطين

    ممكن تنصحني وجزاك الله خير

    الله يعافيج وتقبل الله صيامج

    دايم اختي حطي في بالج المنطقة محتايه شو

    اذا المنطقه مافيها كافتيريا والمنطقة الناس معتمدين فيها علي كافتيريات برع فاصعب شو

    تسحبي زباين علي كافتيريتج اصعب شي انج تقنعي الناس بأكلج محد يموت من اليوع هل ايام والكل

    يختار ويتذوق المطعم الي يعيبه بس سهل انج تجبري خلق الله انهم يكون ويغسلون عندج

    اذا كان الدوبي الوحيد في المنطقه فالتجاره دايم فرض راي علي مستهلك واشباع حاجته

    فانصيحه شوفي منطقه محتايه شو ضروري وبدي فيه علي طول

    ولاتتري وتوكلي علي الله والله يوفقج

    اخوكم
    بن دولار

  5. أول شي اشكرك اخوي بن دولار ..وان شالله في ميزان حسناتك ..الله يجززيك خير..
    مشروع صالة حديد (jym) في دبي كم يكلفني تقريبا .. ومن وين ابدا ومن وين اقدر اشتري الدنابل وسوالف الصاله يعني ؟؟ وهل تنصحني ولا لأ ؟؟

Comments are closed.