حبيت اشاركم في اللي صار مع ولد عمي …
عنده مؤسسه في دبي شغاله من سنه ونص تقريبا ومؤسسه ثانيه….المهم سمعنا من بعض الناس ان اذا المؤسسه قائمه وباسم مواطن ممكن اتسجل للحصول على عضويه , والعضويه اتساعد في الحصول على مميزات كونك “مواطن” . قال الحمدلله…اخيرا بنحصل على امتيازات كتجار …
راح وقابل المسؤوله بعد موعد طبعا وفهمته على كل شي…وقالتله ييب الاوراق المطلوبه وما في مشكله ان شاءالله…المهم الريال جهز الاوراق المطلوبه…وعطى المندوب ووداهن وقالوا كل الاوراق تمام زان شاءالله وبتنعرض عاللجنه…
بعد حول اسبوعين انا كنت مع ولد عمي واتصلوا به…قالت له البنت طلبك للعضويه انرفض …اتفاجأ …(بطل عيونه)..وقال شو الاسباب …تدرون شو قالت الاسباب….
الكمبيوتر رفض الطلب لان كمبيوتراتنا موصله بجميع الاجهزه المعنيه
المهم الريال اختبص قال يمكن في شي صاير عالمؤسسه…وطرش المندوب لكل الجهات يشوف اذا في شكوه ولا حاجه ,,,وشهر كامل وهو يحوس …مااااااااااااااا في اي شي…
المندوب سار لهم وقالوله احنا اندخل الطلبات والكمبيوتر يعطينا الرد..(اكيد حد فيكم يضحك لكن والله هذا اللي صار وياه)
الحين صار الكمبيوتر يتحكم في طلباتنا…لا حول ولا قوة الا بالله
تطري ام خماس؟
لوول سوالف
لو كنت ولد فلان جان فرشولك الارض ورد وسوولك مدينة ملاهي باسمك ودعموك المؤسسات الحكوميه والخاصه اعتقد فهمتو قصدي
اخوي من اول الشروط لازم جوازك صادر دبي وثانيا تدخل شوية واسطه والامور كلها ان شاء الله طيبه والكمبيوتر مايرفض المعامله………جرب طريقه 100%
تدري ليش يخلون الكمبيوتر هو الي يحكم
لانه ما عنده مشاعر ولا يجامل ولا يستحي على ويهه بس اكيد المعلومات الي في الكمبيوتر واحد حطها ويقبل الي يباه ويرفض الي يباه راجع المعلومات الي قدمتها اكيد فيها شي يرفضه الكمبيوتر. على سبيل المثال (مكان اصدار الجواز لازم يكون دبي)
اسمحلي ع التطفل
على قولتهم هم يدخلون الطلب فالكمبيوتر والكمبيوتر يعطيهم رد ..
شو الرد الي يعطيهم اياه الكمبيوتر . ولا بس يعطهم تم الرفض؟