الهدف منها انعرف شو عيوب هالسيارة و ميزاتها
وخاصة للي استعمل الرنج
قالوا عنك يالرنج خوان
وغلطان ساعة قلت بشريك
واليوم شفني صرت ندمان
لو قلت الول من يساويك
ياما مدحتك بين العربان
والحين شوف اشلون بشينك
موتر جديد ودوم خربان
اتعبتني من كثر ما اعطيك
من كل راتب نص نقصان
شي للغسيل وشي تشييك
ومن فوق هذا دوم عطشان
لو هو بحر ما اظن يسقيك
كل يوم اعبي ترس خزان
واقول تستاهل واغذيك
واللي يشوفك قال فنان
ياليت لو عندي شراويك
عقيتني في وسط كثبان
وين الجسارة اللي تحليك
ما دمت عالشارع وخربان
والونش دومه اللي يوديك
لو اني شريت الونش كسبان
اهون عليه من بلاويك
بذكر لكم قصة يالاخوان
يوم اخترب امسات لبريك
امن الوكاله خذت سامان
بـ7000آلف سفايف ويش اسميك
لو بوصفك بالوصف نيران تحرق ولا تشبع ويرضيك
الله يغشك ولد حمدان هو الي قنعني وقلت بشريك
والا ترى فالقلب نيســـــــــــــــــــــــــان
فيه ابركة والخير ما فيك
ولي يآخذة بالفعل كسبان
في كل موقع ما با يخزيك
ما هو شراتك دوم عثران
كل العرب بالشين تطريك
وعسى حريقة تشب الالمان
لي صنعوا كشرة وتغريك
عساك يا هالرنج طوفان
غلطان من يدفع ويشريك
عليك يالشراي “بنيسان”
لي من عذبته قال لبيك
القصيدة منقولة ولا اعرف منوة الشاعر
انا ما عندي تعليق على الرنج فخر الصناعة الانكليزية
ولكن تعليقي على القصيدة شبعانه كسورر
القصيدة مكسرة الضاهر انه الشاعر سنه اولى شعر لووووووووووول
تقبلو تحياتي
مكينة الرنج تغيرت ومب المانية ومب صناعة بي ام دبليو من سنة 2005
تصحيح معلومه بس
وبعدين خذيت رنج ولا ما خذيت رنج
مب وكالة أبوي
احسنت…واحسن الاخ دار زايد…
والرنج سيارة ما عليها كلام ولا تعيبها قصيدة…
وهذي وجهة نظر صاحب القصيدة ..ولك كل التقدير اخوي…
كلامك 100% … الرنج سيارة ملكية … أنا ما أدري كيف يصممونة .. شو من إبداع في التصميم عند مهندسينة … من استوى الرنج وهو صوب وباقي السيايير الفورويل بصوب … وخاصة الملك ( فوووج )