السلام عليكم ورحمة الله وبركاته ,,,
كل عام وانتوا بخير ,,, ونسأل الله ان يجلعنا من المقبولين في هالشهر الكريم ,,,
قرب العيد ,, وخويكم للحين محتار شو آخذ من العطور ,,
قلت في خاطري خلني أشاور الاعضاء ,,, ومنكم نستفيد 
ياريت اسم العطر ,,, الموزع ,,, المبلغ ( إذا امكن ) ,,, وصورة العطر
نشوف آرائكم ,,, 
عسب نلحق نختار ونشتري 
لا بعده موجود مستخدم منه اقل من ربع…طلعوا 9 غراش عطورات متنوعة وربع توله دهن العود كنت حاطنهم في سيارتي الجديمة (ما شاء الله البي ام سدات في كل مكان).. نزلت الاغراض في جيس من عقب ما بعت السيارة وناسنهم الين اليوم..شكله اتعتق دهن العود
اشكرك على هذا الموضوع..ذكرتني بعطورات ناسنهم…شكلي بتعطر بكريد كل يوم 
اصليه .. 100% .. ومحل الحواج هو وكيل ها العطر .. .. اذا ماكان بعد الوكيل الحصري في الخليج …
انا سرت البحرين و اشتريت من الحواج الي هو يعتبر نفس مستوى باريس غالري في الامارات …
وعطورات ماكليف الي موجوده في موقع ماكليف كلها متوفره عنده . بجميع انواعه ..بخلاف باريس غالري الي يعرض 3 مادري 4 انواع …
و على فكره .. اذكر من 5 سنوات اشتريت عطر من باريس غالري .. و تقريبا كانت ريحته ريحة العطور العربيه .. و بسعر 450 درهم … والله العظيم انه نفس العطر يبيعه ( الجنيد ) ب سعر 25 درهم …. نفس الغرشه و نفس الكرتون ..
باريس يشتري عطور غير معروفه .. عطور عربيه و يرفع سعرها و يبيعها .. هذا بخلاف عطوره الي يجمعها في جبل على على اساس انها مستورده من الخارج .. فرنسا و غيره
لو تعرفون حد من ادارة باريس غالري يمكن يخبركم شو سر العطر الي ينباع في باريس غالري ب 500 درهم .. والي ينباع في محل سيفورا في فرنسا بسعر 800 درهم …. ليش؟؟؟ .. ماحسب الجمارك .؟؟. .التاكس ؟؟.. الشحن … ؟؟؟ كيف في فرنسا اغلى عن باريس غالري .. و هي الدوله المصنعه لها العطر !!!
انا ما بخبركم
توقعــت هالهجـوم التتـاري ،، خخخ
والله يــاأخــواني ،، بالنسبــه لي صــار لي فتــره مــاخـذت من عنــدهم عطــورات ،، ولا شنــط ولا ســوع !! اللــهم مكيــاج وبس !!
الســبب إني سمــعت من أكثـر من مصــدر إنـه بضاعتــهم غيــر أصـليه + إنــهم مصــخوها في الأسعــار الخيــاليه
لاحـظوا !! باريـس غاليـري ماعــادت زبــاينهم شــرات قبــل !!
وعـطوراتي هيه عطــورات عربيــه فقـط !!
أنا سمعت بعد ان في البحرين يبيعونه ارخص بوايد من اسعارنا ,, بس هل هيه اصلية ؟ ومنو اللي راح يكون متفيج يسافر عسب عطر ,,,
ماكليف على اتفاق كل الاعضاء انه رووعة ,,,
بالنسبة لكريد ,, النس حبيته من ايام زمان وريحته فعلا مميزة ,,, احتكار العطر على باريج غاليري هو اللي مخلي سعره في العالي
يا ريال تأكد عدل يمكن حد خذه من داخل الجيس ,,, وجان بعده موجود ,, حط لنا منه شوي ,,,