السلام عليكم,
توني قلت خلني اشوف القنوات المحلية مع اني ما اتابعها وايد لان نص البرامج اغاني.
المهم حطيت دبي ولا اشوف وحده تقدم برنامج مال الافلام لابسه فوق الركب!!!!!!!!
حشى, مسلسل النغموش لما حطوا الحرمه الي لابسه فوق الركب الكل اشتط ومن حقهم, وهذيل كيف سامحيلهم؟
قلت ببدل واحط قناة بوظبي الاولى ولا اشوف اخس, اغنية “كالعادة” واللبس مول رايح فيها!
وين مراعاة شعورنا, وين الرقابة عنهم. وين الكلام الفاضي بالحفاظ على العادات.
حسبي الله عليهم.
صحيح, الاعلام مشوه سمعة الامارات بشكل كبير والادهى انهم في الامارات.
على ا اعتقد كان في مسلسل كويتي لان الممثلين كويتيين والقصة على ما اعتقد عن مدارس البنات في الامارات.الصراحة خلو سمعة المعلمة في الحضيض! مغازل وحب وخيانه. والطالبات حدث ولا حرج. على ما اعتقد الي بيشوف المسلسل بيخيم عند مدارس البنات من كثر ما شوهوا سمعتهن في المسلسل. طبعا ما تابعته بس هذا الي اسمع عنه.
الحين صدقت ربعنا الكويتيين يوم يقولونا ان المسلسلات شوهت سمعتنا. صدقوا.
الصراحة لازم نطالب بالحفاظ على سمعتة الامارات واهلها والكطالبة بمحاسبة الاعلام. الكل ماخذ فكرة سيئة جدا عنا بسبب لاعلام.
أستغرب من أمور وقضايا بمجتمعنا….
إلا الإعلام مرآة مجتمعنا أمام العالم أجمع…
والله المستعان،،،
رئيس مجلس الادارة و الرئيس التنفيذي مواطن بالاسم فقط
اما ” الادارة ” لاخوان شما اللي طريتهم
هذا هو السبب
و كل اناء بما فيه ينضح
اعتقد لان الاعلام الي ماسكنه عندنا قوم كرمالك ،، وتأبرني وحبيب ألبي ،،
اذا مدير مؤسسة …….. للأعلام انمسك في قضية تمس الاخلاق والشرف ،،فما بالك بلي ينعرض ،،
هذا رأيي والسموحه
جزاك الله كل خير
ولكن السؤال المكرر والمطروح هو/ لماذا الاعلام الاماراتي في يد غير امينه ؟؟
الله المستعان