مرحبا صبايا و شباب
اليوم بتكلم عن سالفه تخص البنات عموما بس الشباب دوم يحبون يرزون ويهم فحياكم الله ..رزة الفيس مرحب بها في هذا الموضوع الجميل
الموهيم طبعا تدرووون و الا ما تدروون ..انا دوم افصل عباياتي بروحي ..اتشرى الاكسسوارات و اخطط الموديل في مخي و اسير عند البتان في عيمان و يسوولي على كيفي …
الموهيم مليت قلت خلني افصل عن حد من هالمواطنات اللي يمدحونهم …و تبدأ عملية البحث ..عاد هاييل ما عندهم محلات ..متخششات مادري وين و لازم حد يوديج و عفسه …
اول وحده: مدحووووووووها لين صكت السما ..قلت خيبه هاي هي عيل المسكته ..و انا اسولف ويا ربيعتي و اقولها بسير عند فلانه بسوي عبي..قالت لالالالالالالالالالالا << جنه جني ظهر لها في ويها ..قتلها بلاج استهدي بالله يا فلانه شو المشكله ..قالت هاي دريولها السابق..الحين يشتغل عندنا..قتلها so? … قالت يختي هاي كل عبيها تفصلهم في بوهيل لا مشغل و لا بطيخه …و الدليل الدريول اللي فضح الحرمه راعية العبي…
قتلها يوم انها تفصل في بوهيل الا هاذو فرة حصاه روحنا بنسير …و انا اقول بلاها خياطتها عاثره ..ثرها مسويه نصب و احتيال حق الخلق و العبي بالالاف
ثاني وحده : عاد هاي عريقه جدا في مجال العبي..يمكن تكون اول وحده ظهرت …قلنا بنسير لها ..جان تقول ربيعتي تعالي براويج عباتي محلاتها و مغواتها ..قتلها اوكي..سرت اطالع عباتها ..و الا الشغل اللي عليها.انا شاريه الوار بثلاث ربيات!!! قتلها يالغاليه بكم مسويه العباه..ما احيد السعر اللي قالته..بس اظنه يقارب الالفين!!
قلت ولخيبه شحقه عاد !! بعد التنقيب بعد ربيعتنا الثانيه مسويه عباه عندها و محصله عقب الشغل اللي عليها الوار بعشر في سوق الرخام اللي مجابل سوق نايف الله يرحمه ..شحقه الالاف؟؟
ثالث وحده: مدحوووووووووووها و قالو هاي ارخص عباه عندها الساده مول مول موووووووول ب 3000 قلت ولخيبه؟؟ انا اسوي الساده ب 100 ربيه في عيمان …بس قلنا مب مشكله بنسيرلها بنطالع شو عندها ما عندها..قالووووو لالالالالالالالالالا مووووستحيل …اقولهم شحقه مستحيل ..قالولي و الله ما تستقبل حد موول الا اذا وحده من زباينها الكلوووز تدخلنا عليها!! قلت خيبه تاجرة مخدرات هاي مب عبي…ما يسوى علينا
رابع وحده : عندها فيلا في جميرا …و مدحوووها لين قالو بس…و سرنا ….دخلنا و حطنا ..ما اشوف شي ..كله شغل بتان ..حتى اللي في بوهيل احلى…و ادوور و ادووور و احاول اقتنع ..ماشي داخل مخي ..عقب يوم شفت الاسعار كله قوم بو الف و ساير..على شوووووووووو لا رقعه و لا تطريز ..و اظهر اربع برع
و خامسا سرنا محل لصاحبته المواطنه : عباه عليها 3 فصوص في اليد اليمين و 3 فصوص في اليد اليسار ب 1800..عنبوووووووووووووووووووووووووووه ….جيه شو هم فصوص الماس ؟ الا هو سوارفسكي
قلت ماشي الا ارد عند ربعي البتان مال عيمان اخير لي …قال شووو قال بنشجع المواطنات اونه ..لا بويه انا بشجع البتان و عليه و على اعدائي
والله عبي البحرين ميه ميه ..و رخاااااااااااااااااااااااااااااص
انا بس ابا اسير البحرين مرتين في السنه افصل عبي و ارد …منو بيخليني عااااااااد
في شريحه كبيره من الناس جي تفكيرهم ..و هم بالاساس سبب غلاء هالنوعيه من الاسعار
شو نسوي عاد الحين يا بتاع الموجتمع
بالضبط هذا هو تفكيري
العباه ما بحج عليها
بس شنطه ماركه عادي اشلها كمن سنه و النظاره كل حد بيشوفها ..النعال الماركه بيطر ريلي بس برايه المهم يوم اعق نعالي عند ميلس حد يقولون هاي فنانه هههههههه
لكن عباه!! يعني لا انه مصمم عالمي و لا انه دافعين عليه حقوق و خرابيط و لا عندهم مصنع و لا عندهم فروع في كل بلدان العالم ..الالاف على شو بالضبط؟
كلام صحيح ..لازم ما تخلينهم يقصون عليج ..تطلبين القطعه بالاسم و يراوونج منها سمبل…و يكتبها في الفاتوره..عشان لو صار ما صار..تسويلهم زلزال و عندج اثبات لووول
بس ما صارت لي لين الحين الحمدلله
يسلمووو على المرووور الغاوي