مرحبا صبايا و شباب
اليوم بتكلم عن سالفه تخص البنات عموما بس الشباب دوم يحبون يرزون ويهم فحياكم الله ..رزة الفيس مرحب بها في هذا الموضوع الجميل
الموهيم طبعا تدرووون و الا ما تدروون ..انا دوم افصل عباياتي بروحي ..اتشرى الاكسسوارات و اخطط الموديل في مخي و اسير عند البتان في عيمان و يسوولي على كيفي …
الموهيم مليت قلت خلني افصل عن حد من هالمواطنات اللي يمدحونهم …و تبدأ عملية البحث ..عاد هاييل ما عندهم محلات ..متخششات مادري وين و لازم حد يوديج و عفسه …
اول وحده: مدحووووووووها لين صكت السما ..قلت خيبه هاي هي عيل المسكته ..و انا اسولف ويا ربيعتي و اقولها بسير عند فلانه بسوي عبي..قالت لالالالالالالالالالالا << جنه جني ظهر لها في ويها ..قتلها بلاج استهدي بالله يا فلانه شو المشكله ..قالت هاي دريولها السابق..الحين يشتغل عندنا..قتلها so? … قالت يختي هاي كل عبيها تفصلهم في بوهيل لا مشغل و لا بطيخه …و الدليل الدريول اللي فضح الحرمه راعية العبي…
قتلها يوم انها تفصل في بوهيل الا هاذو فرة حصاه روحنا بنسير …و انا اقول بلاها خياطتها عاثره ..ثرها مسويه نصب و احتيال حق الخلق و العبي بالالاف
ثاني وحده : عاد هاي عريقه جدا في مجال العبي..يمكن تكون اول وحده ظهرت …قلنا بنسير لها ..جان تقول ربيعتي تعالي براويج عباتي محلاتها و مغواتها ..قتلها اوكي..سرت اطالع عباتها ..و الا الشغل اللي عليها.انا شاريه الوار بثلاث ربيات!!! قتلها يالغاليه بكم مسويه العباه..ما احيد السعر اللي قالته..بس اظنه يقارب الالفين!!
قلت ولخيبه شحقه عاد !! بعد التنقيب بعد ربيعتنا الثانيه مسويه عباه عندها و محصله عقب الشغل اللي عليها الوار بعشر في سوق الرخام اللي مجابل سوق نايف الله يرحمه ..شحقه الالاف؟؟
ثالث وحده: مدحوووووووووووها و قالو هاي ارخص عباه عندها الساده مول مول موووووووول ب 3000 قلت ولخيبه؟؟ انا اسوي الساده ب 100 ربيه في عيمان …بس قلنا مب مشكله بنسيرلها بنطالع شو عندها ما عندها..قالووووو لالالالالالالالالالا مووووستحيل …اقولهم شحقه مستحيل ..قالولي و الله ما تستقبل حد موول الا اذا وحده من زباينها الكلوووز تدخلنا عليها!! قلت خيبه تاجرة مخدرات هاي مب عبي…ما يسوى علينا
رابع وحده : عندها فيلا في جميرا …و مدحوووها لين قالو بس…و سرنا ….دخلنا و حطنا ..ما اشوف شي ..كله شغل بتان ..حتى اللي في بوهيل احلى…و ادوور و ادووور و احاول اقتنع ..ماشي داخل مخي ..عقب يوم شفت الاسعار كله قوم بو الف و ساير..على شوووووووووو لا رقعه و لا تطريز ..و اظهر اربع برع
و خامسا سرنا محل لصاحبته المواطنه : عباه عليها 3 فصوص في اليد اليمين و 3 فصوص في اليد اليسار ب 1800..عنبوووووووووووووووووووووووووووه ….جيه شو هم فصوص الماس ؟ الا هو سوارفسكي
قلت ماشي الا ارد عند ربعي البتان مال عيمان اخير لي …قال شووو قال بنشجع المواطنات اونه ..لا بويه انا بشجع البتان و عليه و على اعدائي
ماشاء الله عليك ميمعة كل الخانات
تستحقين لقب اميرة البتان
مب في العبي بس .. في كل شي تقريبا
اسمحولي يا بنات ويا حريم ويا عيايز ويا اولاد ويا شباب ويا شياب
انتو السبب في تفشي هذه الظاهره في مجتمعنا >> اطللللع .. يا بتاع المجتمع انته
تحبون الغالي .. للخقه فقط لاغير ..
وزباين الخقه على افاااااااااا من يشيل >> انا اسميهم زباين اول الشهر لانهم في نصه مفلسين <<
ولهذا السبب .. تشجع التجار و التاجرات في التمادي في الاسعار ..
بعدين هم بروفشنال في خياطه العبي …….قبل كانو ايخيطون انعول الحين اطورو ايخيطون عبي ……
ولسته بأحسن الخيايط ……بعد تبين يحفرولج طوي بيحفرون ……متعددين المواهب
ها لاتسيروله خرب عباتي سواها صروال انا حاطه صورته للتحذير
والاخير ها كبير المستثمرين قبل مايستوي مراقب …..ياجماعه اذا اختفيت من المنتدى انشدو عني عاد خخخخخ
انتي حاقه ما حصلتششش ابدا
أنتي توووحفه
هذي المره بطوفلج .. عشان اشجعج تتمادين
وبعدين اقطعج تقطييييييع 
لنا لقاء قريب في موضوع اخر
لقاء العمالقه
انتي الصراحة تفكيرج نفس تفكيري
الشنطة ماركة بتدفعين عليها الووووووف لزوم الكشخة
النظارة ماركة بندفع
الساعة بندفع
النعال بندفع
بس عباة و جلابية مال لبستين و باي باي نووووووووووووووووو
يقصون علينا نوووووووووووووووووووو
لا هو ماركة عالمية و لا شي عشان كل هالمبالغة يا مواطنات
ما انلومج بايته هنا