ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
كل انسان حر في اللي بيسوقه و لكن الصراحة الصراحة في بنات في هالزمن نسوا انوثتهم و اشوفهم صاروا مثل الشباب ماشي فرق بينهم و بين الشباب في كل شي……………
بالعكس السيارة هي اللي تحدد شخصية الواحد
انا مثلا لما اشوف وحدة تسوق نيسان اول انطباع باخذه عنها انها وحدة دفشة
انا ممكن اسوق فوروييل مثل بورش كايين ….طوارق ….بي ام اكس فايف..انفينيتي… رنج اوكي اشوفها تناسب البنات اكثر……و لكن في سياير مستحيل اسوقها مثل النيسان و و هالسياير الكبار استحي الصراحة مب لاي سبب اخر ……
انا اشوف السيارة مب مهم تكون فوروييل او صالون و لكن الاهم هي الفخامة و النظافة و الموديل هي اللي تخلي الناس يحترمونك في الشارع
عيشوا حياتكم و خذوا هالسياير الحلوة لان اذا ما خذتوها الحين و انتوا في شبابكم عيل متى بتاخذونها
يمكن كلامي يكون غريب عليكم و ما يعيبكم و لكن هذا هو الواقع اللي اشوفه
في شباب عليهم افكار عجيبة غريبة وما تخطر على بال الواحد!!!!
قمة الفخامة والدلع
بالنسبة لي ، عندنا في البيت تعودنا على عدم وجود ريال من عقب أبوية -الله يرحمه- ، و عشان تودي أهلك و تييبهم و تقضي مطاااااالبهم من جمعية و طلعات و غييييييره أكيد يبالك فورويل و في هالحالة منو بيسووووووووقه ؟؟ أكيد نحن البنات ، و تراني على فكرة ما عمري حطييييت في بالي اني أسوق سيارة أصلن بس ترا الحااااااااجة تغلب .. و أبرك من انه نتبهدل ويا الدريولية .. و بعدين الفةرويل أحس انه أقوى من ناحية الأماااااااان للبنية << مجرد راااااااااي ..
و طبعن الحشمة هذي بروحها يبالها موضوع ، و في رايي سوااااااااء البنت سايقة فورويل و لا تريلا و لا صالون تراها تعرف كيييييف تحافظ على حشمتها و ترا اللي تبا تظهر ريولها ما تحتاي انها تركب فورويل بس ، يسد اللي قاعدين نشوفه في المولات بدون فورويلات في من البنات الله يهديهن مسويات بعمارهن سواااااااااالف و علوووووووووووم غريبة على بنت البلاد >_< ،، و الله المستعااااان ربي يستر على بناتنا و يحفظهن و يحميهن ^^ ،،
و على فكرة ترا من صوبي أنا الموجووووود أسوقه كان فورويل و لا صالووون المهم تراه شي يافي بالغرض و يوديك و ييبكـ
و تسلموووووووووووووووون ^^ ،، بااااااااركـ الله فيكمـ ،،
عجيييييييييييييييييييييييب