ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
فورويل و قير عادي بعد…خخخخ
واذا سألتهم عن “الهيدرز” بعد بيجاوبونك.
أفا يعني انا مب مصدر موثوق؟
لا لا
الحين الحين تييب لنا احصائية واقعية منطقية
ومن مصدر موثوق فيه
انا ماقلت عن الحرمة اللي تسوق فوروييل مب زينة بس قلت انه الحرمة تسوق لحاجة السيارة الفوروييل مافيها مشكلة واللي تسوق من دون حاجة هني المشكلة ليش تييبون العوار لراسكم وانتم في غنى عن هالشي
وانا الصراحة حسيت وحبيت اتاكد ان هالشي لايكون موضة عند البنات وهالموضة ( في راي المتواضع وغير المتعصب ) مب زينة
وسمعت ان هالشي انتشر من بعد بزوغ البوويات وظهورهن العلني ( الحمدلله الذي عافانا مما ابتلى به كثيرا من الناس)وحبيت اتاكد وانا متاكد انهن (ولا انهم) مابيردن علي
وانتوا ( كل اللي حسوا اني مسيت كرامتهم ) على العين والراس
اللي تبا تظهر كراعها حتى يوم تركب الصالون تظهرها ما بيغلبها و نشوف هالاشكال وايد عند المحطه يوم ليتات السيارات ضاربات و تي الوحده تظهر كراعها تقول شاورما ..
انا اسوق فورويل و في حياتي ما جد ظهر كراعي و انا اركب السياره و لا مره هالشي من سابع المستحيلات
لكن اللي تبا تظهر ما يغلبها والله لو بتركب اوطى سياره في العالم
هذا بالنسبه للكراع
و من منظور اخر الفوريويل اريح و اامن و قو على الشارع ..محد يديم لي و لا حد يتجرأ يعفد عليه ..خصوصا السواقه في دبي تعرفونها شقا
اليوم رادين من جميرا ويا ربيعتي و سيارتها ميني…زياااغ الشارع و يعافدون علينا جنه السياره مب موجوده ..مب معترفيبها في الشارع حتى ..يمكن يتحرونا مطبه ..و لاحد يطوفنا و لا حد يسويلنا درب…
بصراحه يعني يوم تشوفون سياره صغيره تسوولها سالفه شرات الفورويل؟
لان سيارتي السابقه صالون و اعرف شقا الحاله و شو الفرق بين الصالون و الفوريول في الشارع
قبل كنت اتجاوز بالغصب و ادز بويهي ..الحين الحمدلله احسن بوايد حتى سواقتي هدت عن قبل و اعصابي ارتاحت