ما ادري اذا صادف وشفت كثير منهن او انهن فعلا وااااايدات اللي يستعملن الفورويييل
كانت على السيارة الصغيرة وقلنا حاجة كيف بتروح الدوام من دون سيارة وتكون احسن من الدرييول اللي مشاكله اكثر من حسناته
لكن شو الحاجة اللي تخلي بنت مب معرسة ولاعليها مسؤولية تجاه اهلها توها تشتغل وبدال ماتفكر في سيارة صغيرة وتكون مريحة في السواقة وفي الحجم تروح للوكالة وتجرب آخر موديييل في الفورويييل ( مثل الاستيشن والنيسان ) وتشتريه!!!!!!!!!!!!
انا معارض البنت تسوق هالسيايير لعدة اسباب:
– انه فيها تشبه بالرجال لان مثل هالسيارات يحتاج لها قوة في الاستخدام والانثى مب مخلوقة لها الاشياء.
– انه كل ما تركب هالنوع من السيارات تنكشف ريولها وطبعا مب للكل لكن مع كثرة الاستخدام سبحان الله الواحد يحطاط.
– وسائل الامان في السيارة ماتكون واايد فعالة مثل البريك سستم فتكون معرضة للحوادث اكثر من غيرها
ما ادري شو السبب اللي يخلي البنات تتصرف مثل هالتصرف وارجو من اخواتي انهن يوضحن وجهة نظر الطرف الآخر من الموضوع .
وسلمتوا ………………….
انا بقول راي بعد اذن الجميع
انا والله الشاهد محد من اهلي يسوق الى الان ومب لشي ولكن نحن عائله محافظه ومن العين ونحن ولله الحمد سادين اشغال ومشاوير البيت واللي بيقول انتو متخلفين عن التطور وماعرف شو من هذا الكلام بقوله هذا رايه وانا ما احمل اي شي ضد البنت اللي تسوق بالعكس يمكن تسد اشغالها
واشغال عيالها وعايلتها بدال بهدله التكاسي وترى البنت الحشيمه تراها راح تحشم عمرها سواء تسوق والا لا…
وعلى فكره اذا عرست باذن الله تعالى واضطرت ان الحرمه انها تسوق وتسد العيال والعائله بسبب انشغالي باعمالي ما اعتقد اني راح ارفض وبالعكس راح يكون افضل من اني ادخل الغريب بيتي..!!!!!
عندي سؤال للي ضد ان البنت تسوق…
هل من الافضل انها تركب مع غريب السياره (الدريول) وهو مايعتبر محرم ام انها تسوق وتسد وتصون نفسها وتبتعد عن الشبهات..؟؟
والسموحه وبصدق ماكنت ناوي اتكلم عن الموضوع هذا ولكن في بعض الردود احسها..؟؟؟؟؟
يا اخوي الناس وصلوا صوب المريخ
و نحن في الامارات بعدنا يالسين نناقش اذا البنت لازم تسوق فورويل و الا صالون
يعني صدق عقلياتنا تضحك
يعني في شباب في هالبلاد تفكيرهم على قدهم
اكيد يا اخوي كل انسان حر في اختياره و نحن ما نجبر حد على شي
كل واحد يختار السيارة اللي تريحه
كانت الصحابيه تركب علي ابعير او ناقه او حصان بوني عشان لا تضهر العوره ؟؟؟؟؟
الي تبغي تتعره حتي من غير موتر بتتعره مب شرط استيشن او صالون وثاني شعي غض البصر وثالث شي
تتبع عورة الانسان حرامممممممممممممممممم مب كل ماشفتو وحده بتركب موتر العيون عليها
يا اخوي انت عقليتك بعدها مال الثمانينات و يمكن التسعينات
هالكلام كان قبل
و الحين هالمسالة صارات جدا عادية
بس كل واحد و تفكيره و له الحق انه يخاف على اهله